ଆଶ୍ୱସ୍ତି- ଖାଇ ପାରିବେ କୁକୁଡ଼ା ମାଂସ ଓ ଅଣ୍ଡା

ଭୁବନେଶ୍ୱର: ରାଜ୍ୟରେ ଏଯାଏଁ ବାର୍ଡ ଫ୍ଲୁର କୌଣସି ମାମଲା ଚିହ୍ନଟ ହୋଇନାହିଁ । ଏନେଇ ରାଜ୍ୟ ମତ୍ସ୍ୟ ଓ ପ୍ରାଣୀସମ୍ପଦ ବିକାଶ ବିଭାଗ ସୂଚନା ଦେଇଛି । ବାର୍ଡ ଫ୍ଲୁର ମୁକାବିଲା ଲାଗି ନିୟମତି ଭାବେ ନମୁନା ସଂଗ୍ରହ କରାଯାଇ ପରୀକ୍ଷା କରାଯାଉଛି । ରାଜ୍ୟରେ ଚିକେନ ମାଂସ, ଅଣ୍ଡା ଏବଂ ଅନ୍ୟ କୁକୁଡ଼ା ଉତ୍ପାଦ ଖାଇବା ସୁରକ୍ଷିତ । ଲୋକେ ଏହାକୁ ନେଇ ଭୟଭୀତ ନହେବାକୁ ଏନେଇ ରାଜ୍ୟ ମତ୍ସ୍ୟ ଓ ପ୍ରାଣୀସମ୍ପଦ ବିକାଶ ବିଭାଗ କହିଛି । ମାଂସ, ଅଣ୍ଡାକୁ ଭଲଭାବେ ସିଝାଇ ଖାଇପାରିବେ ।

ରାଜ୍ୟରେ ଏଯାବତ୍ ୧୨ ହଜାର ୧୫୮ଟି ନମୁନା ସଂଗ୍ରହ କରାଯାଇ ଟେଷ୍ଟିଂ ପାଇଁ କଲିକତା ପଠା ଯାଇଥିବା ବେଳେ ଗୋଟିଏ ବି ରିପୋର୍ଟ ପଜିଟିଭ୍ ଆସିନାହିଁ । ତେବେ, ଏଥିରେ କେହି ଭୟଭୀତ ହୁଅନ୍ତୁ ନାହିଁ । କୁକୁଡ଼ା କିମ୍ବା ଅନ୍ୟ ପକ୍ଷୀଙ୍କ ଠାରେ ବାର୍ଡ ଫ୍ଲୁ ଜନିତ କୌଣସି ଲକ୍ଷଣ ପ୍ରକାଶ ପାଇଲେ ଜଣାଇବାକୁ ବିଭାଗ ପକ୍ଷରୁ ସୂଚନା ଦିଆଯାଇଛି ।

ଏଥିପାଇଁ ରାଜ୍ୟସ୍ତରୀୟ ନିୟନ୍ତ୍ରଣ କକ୍ଷ ନମ୍ବର ଜାରି କରିଛି ମତ୍ସ୍ୟ ଓ ପଶୁ ସମ୍ପଦ ବିକାଶ ବିଭାଗ । କୁକୁଡ଼ା ଏବଂ ଅନ୍ୟ ପକ୍ଷୀଙ୍କ ଅସାଧାରଣ ମୃତ୍ୟୁ କିମ୍ବା କୌଣସି ଲକ୍ଷଣ ଦେଖାଗଲେ (ଯୁଗ୍ମ ନିର୍ଦ୍ଦେଶକ) ୦୬୭୪-୨୪୧୪୩୧୦, (ଡ. ସାଗରିକା ବେହେରା) ୭୯୭୮୧୦୫୫୩୮ ଏବଂ (ଡ. ମଦନ ମୋହନ ମହାପାତ୍ର) ୯୪୩୭୩୧୩୧୮୩ରେ ଜଣାଇବାକୁ ବିଭାଗ ଜଣାଇଛି ।

ଏଥିସହ ପଢ଼ନ୍ତୁ- ବାର୍ଡ ଫ୍ଲୁ ଭୟ, ଜାରି ହେଲା ରାଜ୍ୟସ୍ତରୀୟ ନିୟନ୍ତ୍ରଣ କକ୍ଷ ନମ୍ବର