ଆଜି ବିଧାନସଭା ଭଙ୍ଗ କରିବାକୁ ସୁପାରିସ୍ କରିପାରନ୍ତି ନୀତିଶ
ପାଟଣା: ଚଳିତ ବିହାର ସରକାରଙ୍କ ଅନ୍ତିମ କ୍ୟାବିନେଟ୍ ବୈଠକ ଶୁକ୍ରବାର ସନ୍ଧ୍ୟା ୪ଟାରେ ଅନୁଷ୍ଠିତ ହେବ । ବୈଠକରେ ମୁଖ୍ୟମନ୍ତ୍ରୀ ନୀତିଶ କୁମାର ଚଳିତ ବିଧାନସଭା ଭଙ୍ଗ କରିବାକୁ ନିଷ୍ପତ୍ତି ନେଇପାରନ୍ତି । ଏବଂ ସମସ୍ତ ସଦସ୍ୟ ନିଜ ଇସ୍ତଫା ପତ୍ର ରାଜ୍ୟପାଳଙ୍କୁ ପଠାଇବେ । ତେବେ କରୋନା କଟକଣା ଯୋଗୁଁ ଚଳିତ ବୈଠକ ଭିଡିଓ କନ୍ଫରେନ୍ସଂ ଜରିଆରେ ହେବ ।
ସୂଚନା ଯୋଗ୍ୟ, ସଦ୍ୟ ସମାପ୍ତ ବିହାର ବିଧାନସଭା ନିର୍ବାଚନ ଜାତୀୟ ଗଣତାନ୍ତ୍ରିକ ମେଣ୍ଟ (ଏନ୍ଡିଏ) ୨୪୩ଟି ବିଧାନସଭା ଆସନରୁ ୧୨୫ଟି ସିଟ୍ ହାତେଇଛି । ଏବଂ ସରକାରଗଠନ ନେଇ ଆବାଶ୍ୟକ ମ୍ୟାଜିକ୍ ନମ୍ୱର ଚୁଇଁପାରିଛି । ଏହି ମିଟିଂରେ ନୂଆ ସରକାରର ରୂପରେଖ ନେଇ ମଧ୍ୟ ଚର୍ଚ୍ଚା ହୋଇପାରେ । ଆଗାମୀ କିଛି ଦିନରେ ଏନଡିଏ ବିଧାନମଣ୍ଡଳ ବୈଠକରେ ନିଷ୍ପତ୍ତି ହେବ । ଏଥିରେ ହିଁ କିଏ ନେତା ହେବ ଏ ନେଇ ନିଷ୍ପତ୍ତି ନିଆଯିବ ।
ବିହାରରେ ନବନିର୍ବାଚିତଙ୍କ ମଧ୍ୟରେ ମାଳମାଳ ଦାଗୀ ବିଧାୟକ, ୬୮ ପ୍ରତିଶତଙ୍କ ନାଁରେ ରହିଛି ଅପରାଧିକ ମାମଲା
