ବଜେଟରେ ମିଶନ ୨.୦, ଅର୍ଥମନ୍ତ୍ରୀଙ୍କ ଆତ୍ମନିର୍ଭର ସ୍ୱାସ୍ଥ୍ୟ ଭାରତ ଯୋଜନା ଘୋଷଣା

ନୂଆଦିଲ୍ଲୀ: କୋଭିଡ କାଳରେ ଆଗତ ହେଉଛି ପ୍ରଥମ ପୂର୍ଣ୍ଣକାଳୀନ ବଜେଟ । ବର୍ଷ ୨୦୨୦ରେ ଅର୍ଥନାତିକୁ ଧ୍ୱଂସ୍ତ କରିଦେଇଥିବା କୋଭିଡ ପରେ ଆସିଛି ପ୍ରଥମ ବଜେଟ । ଆର୍ଥିକବର୍ଷ ୨୦୨୧-୨୨ ପାଇଁ ଖୋଲୁଛି ଅର୍ଥମନ୍ତ୍ରୀଙ୍କ ଅର୍ଥପେଡି । ଲୋକସଭାରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଲୋକସଭାରେ ଜାରି ରଖିଛନ୍ତି ବଜେଟ ଅଭିଭାଷଣ । ବଜେଟ ଉପସ୍ଥାପନ କରୁଥିବା ଅର୍ଥମନ୍ତ୍ରୀ ଆତ୍ମନିର୍ଭର ସ୍ୱାସ୍ଥ୍ୟ ଭାରତ ଯୋଜନା ଘୋଷଣା କରିଛନ୍ତି ।

ଅଭିଭାଷଣରେ ଅର୍ଥମନ୍ତ୍ରୀ କହିଛନ୍ତି, ଏହି ଯୋଜନା ଜରିଆରେ ୬୪୧୮୦ କୋଟି ଟଙ୍କା ପ୍ରଦାନ କରାଯାଇଛି । ବଜେଟରେ ଆତ୍ମନିର୍ଭର ସ୍ୱାସ୍ଥ୍ୟ ଭାରତ ଯୋଜନାକୁ ଅଧିକ ଗୁରୁତ୍ୱ ଦେବା ସହ ଏହାକୁ ବଢାଇ ଦିଆଯାଇଛି । ସେହିପରି କେନ୍ଦ୍ର ସରକାର ବିଶ୍ୱ ସ୍ବାସ୍ୱ ସଂଗଠନର ଅନେକ ମିଶନକୁ ଭାରତରେ ସ୍ଥାପିତ କରିବାକୁ ଯାଉଛନ୍ତି ।

ସେହିପରି ସ୍ୱଚ୍ଛ ଭାରତ ଯୋଜନାକୁ ଆଗେଇ ନେବା ପାଇଁ ଘୋଷଣା କରିଛନ୍ତି ଅର୍ଥମନ୍ତ୍ରୀ ସୀତାରମଣ । ଯେଉଁଥିପାଇଁ ଅନେକ ସହରରେ ଅମୃତ ଯୋଜନା କାର୍ଯ୍ୟକ୍ଷମ କରାଇବା ସହ ଏହି ଯୋଜନାକୁ ବଢାଇ ଦିଆଯାଇଥିବା କହିଛନ୍ତି ଅର୍ଥମନ୍ତ୍ରୀ । ଦେଶକୁ ସ୍ୱଚ୍ଛ ରଖିବା ସହ ସ୍ୱାସ୍ଥ୍ୟ କ୍ଷେତ୍ରରେ ଇନ୍ନତି ଆଣିବା ପାଇଁ ସରକାର ବଜେଟରେ ୨,୮୭ ହଜାର କୋଟି ଅର୍ଥରାଶି ଘୋଷଣା କରିଛନ୍ତି ।

କୋଭିଡକୁ ପ୍ରତିହତ କରିବା ସହ ଭ୍ୟାକ୍ସିନ ବିତରଣକୁ ବଢାଇବା ପାଇଁ ସରକାର ପ୍ରତିବଦ୍ଧ । ଯେଉଁଥିପାଇଁ ବଜେଟରେ ଏଥିପାଇଁ ୩୫ ହଜାର କୋଟି ଘୋଷଣା କରାଯାଇଛି । ଚଳିତ ବଜେଟରେ ସ୍ୱାସ୍ଥ୍ୟ କ୍ଷେତ୍ରକୁ ଗୁରୁତ୍ୱ ଦିଆଯିବା ସହ ବଜେଟ ଅର୍ଥ ୧୩୭ ପ୍ରତିଶତକୁ ବଢାଇଦିଆଯାଇଛି । ସେହିପରି ବଜେଟ ଉପସ୍ଥାପନାରେ ମିଶନ ୨.୦ ଘୋଷଣା କରିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ ।