ଝାରପଡା ଜେଲରେ ଏନଆଇଏ ଟିମ୍, ଶଙ୍କରଙ୍କୁ କରିବେ ଜେରା

ଭୁବନେଶ୍ବର: ଝାରପଡ଼ା ଜେଲରେ ଏନଆଇଏ ଟିମ୍ । ଦୁର୍ଦ୍ଦାନ୍ତ ମାଓନେତା ଦୁବାସି ଶଙ୍କରକୁ କରିବେ ଜେରା । ପଚରାଉଚରାରେ ମାଓବାଦୀଙ୍କ କାର୍ଯ୍ୟକଳାପକୁ ନେଇ ବାହାର କରିବେ ବହୁ ଗୁମର । ୨୦୧୨ ମାଲକାନଗିରି ଚିତ୍ରକୋଣ୍ଡା ବିସ୍ଫୋରଣରେ ବିଏସଏଫ୍ କମାଣ୍ଡାଣ୍ଟ ଓ ୩ ଯବାନଙ୍କ ମୃତ୍ୟୁ ମାମଲାରେ ଜେରା କରିବ ଏନଆଇଏର ୩ ଜଣିଆ ଟିମ୍ ।

ଦୁବାସିଙ୍କୁ ଜେରା କରିବାକୁ ସ୍ବତନ୍ତ୍ର ଏନଆଇଏ କୋର୍ଟ ଦେଇଛନ୍ତି ଅନୁମତି ।  ସେପ୍ଟେମ୍ବର ୯ ତାରିଖରେ କୋରାପୁଟ ବୈପାରୀଗୁଡ଼ା ପୁଲିସ ହାତରେ ଧରାପଡ଼ିଥିଲା ଦୁବାସି । ଓଡ଼ିଶା, ଆନ୍ଧ୍ରପ୍ରଦେଶ ଓ ତେଲେଙ୍ଗାନାରେ ଏକାଧିକ ହିଂସାକାଣ୍ଡରେ ସମ୍ପୃକ୍ତି ଥିଲା । ଦୁବାସି ମୁଣ୍ଡରେ ୨୦ ଲକ୍ଷ ଟଙ୍କାର ପୁରସ୍କାର ରାଶି ରହିଥିଲା ।