ଏଣିକି ଅଙ୍ଗନୱାଡ଼ିରେ ମିଳିବ ମାଣ୍ଡିଆ ଲଡ଼ୁ

ସୁନ୍ଦରଗଡ଼ : ସୁନ୍ଦରଗଡ଼ ଜିଲ୍ଲା ପ୍ରଶାସନ କିଛି ଦିନ ତଳେ ମାଣ୍ଡିଆ ଲଡ଼ୁକୁ ଅଙ୍ଗନାଓ୍ୱାଡ଼ି ଖାଦ୍ୟସାରଣୀରେ ସାମିଲା କରିବା ପାଇଁ ନିଷ୍ପତ୍ତି ନେଇଥିଲେ । ତେବେ ଏବେ ସ୍ୱାଧୀନତା ଦିବସ ଉପଲକ୍ଷେ ଡିଏମଏଫ ମାଧ୍ୟମରେ  ସମନ୍ୱିତ ଶିଶୁ ବିକାଶ ସେବା ବା ଆଇସିଡିଏସରେ ରାଗି ଲଡୁକୁ ଅନ୍ତର୍ଭୁକ୍ତ କରାଯାଇଛି । ଏହାକୁ ଲଂଚ କରିଛନ୍ତି ମହିଳା ଏବଂ ଶିଶୁ ବିକାଶ ଏବଂ ମିଶନ ଶକ୍ତି ମନ୍ତ୍ରୀ ଟୁକୁନି ସାହୁ । ସଦଭାବନା ଭବନରେ ଆୟାଜିତ ହୋଇଥିବା ଏହି କାର୍ଯ୍ୟକ୍ରମରେ ସୁନ୍ଦରଗଡ଼ର ଜିଲ୍ଲାପାଳ ନିଖିଲ ପଓ୍ୱନ କଲ୍ୟାଣ(ଆଇଏଏସ),ଏଡିମ,ସିଡିଏଓ,ପିଡି ଡିଆରଡିଏ,ଡିଏସଡବ୍ଲ୍ୟୁଓ, ଉପ ଜିଲ୍ଲାପାଳ ଏବଂ ଅନ୍ୟ ମସସ୍ତ ଉଚ୍ଚ ପଦସ୍ଥ କର୍ମଚାରୀମାନେ ଉପସ୍ଥିତ ଥିଲେ ।

ସୁନ୍ଦରଗଡ଼ରେ ଶିଶୁଙ୍କ ପୋଷଣ ଆବଶ୍ୟକତାକୁ ସୁନିଶ୍ଚିତ କରିବା ପାଇଁ ଏହା ସରକାରଙ୍କର ଏକ ଅଭିନବ ପ୍ରୟାସ । ଏହି କାର୍ଯ୍ୟକ୍ରମ ଦ୍ୱାରା ପାଇଲଟ ପ୍ରକଳ୍ପ ଭାବରେ ହେମଗିରି ବ୍ଲକରେ ମାଣ୍ଡିଆ ଲଡ଼ୁ ଏବଂ ଲେଫ୍ରିପଡ଼ା ବ୍ଲକରେ ସ୍ପିରୁଲିନାଯୁକ୍ତ ବାଦାମ ଚିକି ବଣ୍ଟନ କରାଯାଇଛି ।ଏହାର ଟ୍ୟାଗଲାଇନ ରହିଛି ‘ଉତ୍ତମ ପୋଷଣ, ସୁସ୍ଥ ଜୀବନ’ । ସମନ୍ୱିତ ଶିଶୁ ବିକାଶ ଯୋଜନା ମାଧ୍ୟମରେ ଅଙ୍ଗନବାଡ଼ି ଜରିଆରେ ଏହାକୁ ବଣ୍ଟା ଯିବ । ଉଲ୍ଲେଖଯୋଗ୍ୟ ଶିଶୁ କ୍ଷେତ୍ରରେ ପାଷଣକୁ ଗୁରୁତ୍ୱ ଦେବା ଉଦ୍ଦେଶ୍ୟରେ ଏଭଳି ନିଷ୍ପତ୍ତି ନିଆଯାଇଛି । ଆାଗାମୀ ଦିନରେ ସାରା ରାଜ୍ୟରେ ଏଭଳି ଅଭିନବ ନିଷ୍ପତ୍ତିକୁ ଲାଗୁ କରିବା ଦିଗରେ ମଧ୍ୟ ବିଚାର କରାଯିବ ।