ଓଡ଼ିଶାରେ ଟିକାକରଣରେ ନୂଆ ରେକର୍ଡ, ଦିନକରେ ଦିଆଗଲା ୪ଲକ୍ଷ ୧୬ହଜାର ୪୫୪ ଡୋଜ୍ ଭ୍ୟାକସିନ୍

ଭୁବନେଶ୍ୱର: ରାଜ୍ୟରେ କମିବାକୁ ଲାଗିଛି କରୋନା ସଂକ୍ରମଣ। ଏହି ଭିତରେ ରାଜ୍ୟରେ ଟିକାକରଣରେ ନୂଆ ରେକର୍ଡ ହୋଇଛି। ଦିନିକିଆ ଟିକାକରଣରେ ରେକର୍ଡ କରାଯାଇଛି। ଦିନକରେ ଦିଆଗଲା ୪ଲକ୍ଷ ୧୬ହଜାର ୪୫୪ ଡୋଜ୍ ଭ୍ୟାକସିନ୍। ଯାହାକି ରାଜ୍ୟରେ ଟିକାକରଣରେ ସର୍ବକାଳୀନ ରେକର୍ଡ। ଏନେଇ ସ୍ୱାସ୍ଥ୍ୟ ବିଭାଗ  ତରଫରୁ  ଟୁଇଟ୍ କରି ସୂଚନା ଦିଆଯାଇଛି। ପୂର୍ବରୁ ଦିନକୁ ୪ଲକ୍ଷରୁ ଅଧିକ ଡୋଜ୍ ଦେବାକୁ ରାଜ୍ୟ ସରକାର ଲକ୍ଷ୍ୟ ରଖିଥିଲେ। ଏହି ଲକ୍ଷ୍ୟ ସଫଳ ହେଉଥିବାରୁ ସମସ୍ତ ସ୍ୱାସ୍ଥ୍ୟକର୍ମୀ ଓ ଜନସାଧାରଣଙ୍କୁ ଧନ୍ୟବାଦ ପ୍ରଦାନ କରିଛି ସ୍ୱାସ୍ଥ୍ୟ ବିଭାଗ। ଏହା ସହିତ ଆଗାମୀ ଦିନରେ ଅଧିକରୁ ଅଧିକ ଲୋକଙ୍କୁ ଟିକାକରଣ କରିବାକୁ ବିଭାଗ ଲକ୍ଷ୍ୟ ରଖିଛି।