ଚିକିତ୍ସା ଅବହେଳାରୁ ନବଜାତର ମୃତ୍ୟୁ, ହସ୍ପିଟାଲ ସମ୍ମୁଖରେ ଉତ୍ତେଜନା

କଟକ: ଚିକିତ୍ସା ଅବହେଳାରୁ ନବଜାତ ଶିଶୁର ମୃତ୍ୟୁ ହୋଇଥିବା ଅଭିଯୋଗ। କଟକ ସିଡିଏ ସେକ୍ଟର ୭ରେ ଥିବା ଏକ ଘରୋଇ ହସ୍ପିଟାଲ ବିରୋଧରେ ଏହି ଅଭିଯୋଗ ହୋଇଛି। ଏହାକୁ ନେଇ ସେଠାରେ ଉତ୍ତେଜନା ଦେଖା ଦେଇଥିଲା।

ସୂଚନା ଅନୁଯାୟୀ, ଯାଜପୁର ଡାକ୍ତରଖାନାରେ ରାଜେନ୍ଦ୍ର ସାହୁଙ୍କର ଏକ ଶିଶୁପୁତ୍ର ୨୬ ତାରିଖରେ ଜନ୍ମ ହୋଇଥିଲା। ପିଲାଟିର ସ୍ଵାସ୍ଥ୍ୟବସ୍ଥା ଖରାପ ହେବାରୁ ସେମାନେ କଟକ ଶିଶୁଭବନ ଆଣିଥିଲେ। ସେଠାରେ ଭେଣ୍ଟିଲେଟର ନମିଳିବାରୁ ଶିଶୁଟିକୁ କଟକ ସେକ୍ଟର ୭ରେ ଥିବା ଏକ ଘରୋଇ ହସ୍ପିଟାଲରେ ଭର୍ତ୍ତି କରିଥିଲେ। ଶିଶୁର ଅକ୍ସିଜେନ ସ୍ତର କମି କମି ଆସିଥିଲେ ସୁଦ୍ଧା ହସ୍ପିଟାଲରେ କେହି ଶିଶୁର ଚିକିତ୍ସା ପାଇଁ ଆସି ନଥିଲେ ବୋଲି ପରିବାର ଲୋକ ଅଭିଯୋଗ କରିଛନ୍ତି। ଏହି କାରଣରୁ ପିଲାଟର ଜୀବନ ଯାଇଥିବା ରାଜେନ୍ଦ୍ର ସାହୁ କହିଛନ୍ତି। ମର୍କତ ନଗର ଥାନାରେ ସେମାନେ ଏନେଇ ଅଭିଯୋଗ କରିଛନ୍ତି।