ଭୁବନେଶ୍ୱର: ମିଲେଟ୍ ଓଡ଼ିଶାକୁ ମଡେଲ୍ ମାନ୍ୟତା । ଅନ୍ତର୍ଜାତୀୟ ସ୍ତରରେ ଓଡ଼ିଶାର ଉଚ୍ଚ ପ୍ରଶଂସା। ରାଜ୍ୟ ସରକାରଙ୍କ ମିଲେଟ୍ ମିଶନକୁ ନେପାଳ ଯୋଜନା କମିଶନଙ୍କ ବାହାବା। ନେପାଳର ରାଜଧାନୀ କାଠମାଣ୍ଡୁରେ ଆୟୋଜିତ ଜଳବାୟୁ ଆକ୍ସନ ଚାମ୍ପିଅନ ନେଟୱର୍କ ୨୦୨୨ କାର୍ଯ୍ୟକ୍ରମରେ ନେପାଳ ଯୋଜନା କମିଶନଙ୍କ ଅନୁ ସଚିବ ମିଲେଟ୍ ମିଶନର ଭୂୟସୀ ପ୍ରଶଂସା କରିଛନ୍ତି । ଅନ୍ତର୍ଜାତୀୟ ସ୍ତରରେ ପ୍ରଶଂସିତ ହୋଇଛି ମିଲେଟ୍ ମିଶନ ।
ପାରମ୍ପାରିକ ଖାଦ୍ୟ ଭାବେ ମିଲେଟର ଚାହିଦା ଭାରତରେ ବଢ଼ୁଥିବା ବେଳେ ଏହାର ଉତ୍ପାଦନ, ପ୍ରଚାର ପ୍ରସାରରେ ଓଡ଼ିଶା ପ୍ରମୁଖ ଭୂମିକା ଗ୍ରହଣ କରିଥିବା ସେ କହିଛନ୍ତି । ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡ଼ିଶାର ମିଲେଟ୍ ମିଶନ କାର୍ଯ୍ୟକ୍ରମକୁ ପ୍ରଶଂସା କରିଥିଲେ । ଅନ୍ୟପଟେ ରାଜ୍ୟ ସରକାର ଟେକ୍ ହୋମ୍ ରାସନ ସାମଗ୍ରୀ ମଧ୍ୟରେ ମିଲେଟକୁ ଅନ୍ତର୍ଭୂକ୍ତ କରିଛନ୍ତି । ଏହାକୁ ନୀତି ଆୟୋଗ ଏବଂ ବିଶ୍ୱ ଖାଦ୍ୟ କାର୍ଯ୍ୟକ୍ରମ ମଧ୍ୟ ପ୍ରଶଂସା କରିଛି। ରାଜ୍ୟ ସରକାର ୨୦୨୩କୁ ମିଲେଟ ବର୍ଷ ଭାବେ ଘୋଷଣା କରିଛନ୍ତି । ଏହାକୁ ଆଖି ଆଗରେ ରଖି ମିଲେଟକୁ ଦୈନଦିନ ଖାଦ୍ୟ ତାଲିକାରେ ସାମିଲ କରିବାକୁ ଓ ସେଥିରୁ ବିଭିନ୍ନ ପ୍ରକାର ସ୍ବାଦିଷ୍ଟ ଖାଦ୍ୟ ପ୍ରସ୍ତୁତ କରିବାକୁ ଓଡ଼ିଶା ମିଲେଟ୍ ମିଶନ କାମ କରୁଛି ।
