ପ୍ରକାଶ ପାଇଲା ନିଟ୍ ରେଜଲ୍ଟ; ରାଜସ୍ଥାନ ଝିଅ ତନିସ୍କା ଅଲ୍ ଇଣ୍ଡିଆ ଟପ୍ପର, ଓଡ଼ିଶା ଟପର୍ ପ୍ରିୟ ସୋମଦତ୍ତ

ଭୁବନେଶ୍ୱର: ପ୍ରକାଶ ପାଇଛି ଭାରତୀୟ ମେଡିକାଲ ପ୍ରବେଶିକା ପରୀକ୍ଷା ବା ନିଟ୍ ରେଜଲ୍ଟ । www.ntaresults.nic.inରେ ରେଜଲ୍ଟ ଉପଲବ୍ଧ ହେଉଛି । ମୋଟ୍ ୫୬.୩ ପ୍ରତିଶତ ଛାତ୍ରଛାତ୍ରୀ ପରୀକ୍ଷାରେ ହେଇଛନ୍ତି ଉତ୍ତୀର୍ଣ୍ଣ । ରାଜସ୍ଥାନ ଝିଅ ତନିସ୍କା ଅଲ୍ ଇଣ୍ଡିଆ ଟପ୍ପର ହୋଇଛନ୍ତି । ମୋଟ ୭୨୦ ମାର୍କରୁ ୭୧୫ ନମ୍ବର ରଖିଛନ୍ତି ତନିସ୍କା । ଟପ୍ ୫୦ ଛାତ୍ରଛାତ୍ରୀଙ୍କ ମଧ୍ୟରେ ଓଡିଶାର ପ୍ରିୟ ସୋମଦତ୍ତ ନାୟକ ଅଛନ୍ତି । ଟପ୍ପର ତାଲିକାର ୩୯ ନମ୍ବର ସ୍ଥାନରେ ଅଛନ୍ତି ପ୍ରିୟ ସୋମଦତ୍ତ । ତାଙ୍କୁ ମିଳିଛି ୭୦୫ ମାର୍କ । ଚଳିତ ବର୍ଷ ଦେଶରୁ ମୋଟ୍ ୧୭ ଲକ୍ଷ ୬୪ ହଜାର ୫୭୧ ଛାତ୍ରଛାତ୍ରୀ ନିଟ୍ ପରୀକ୍ଷା ଦେଇଥିଲେ । ସେମାନଙ୍କ ମଧ୍ୟରୁ ୯ ଲକ୍ଷ ୯୩ ହଜାର ୬୯ ଜଣ କୃତକାର୍ଯ୍ୟ ହୋଇଛନ୍ତି । ଓବିସି ବର୍ଗରେ ୪ ଲକ୍ଷ ୪୭ ହଜାର ୭୫୩ କୃତକାର୍ଯ୍ୟ ହୋଇଥିବା ବେଳେ ସାଧାରଣ ବର୍ଗରେ ୨ ଲକ୍ଷ ୮୨ ହଜାର ୧୮୪ ଛାତ୍ରଛାତ୍ରୀ ସଫଳ ହୋଇଛନ୍ତି ।