ଜୁଲାଇ ୧୭ରେ NEET-UG, ଆରମ୍ଭ ହେଲା ପଞ୍ଜିକରଣ
1 min read
ନୂଆଦିଲ୍ଲୀ: ୨୦୨୨ ନିଟ୍ ୟୁଜି ପରୀକ୍ଷା ଲାଗି ପଞ୍ଜିକରଣ ଆରମ୍ଭ ହୋଇଛି । ଜୁଲାଇ ୧୭ରେ ନ୍ୟାସନାଲ ଏଲିଜିବିଲିଟି କମ୍ ଏଣ୍ଟରାନ୍ସ ଟେଷ୍ଟ (NEET) ପରୀକ୍ଷା ହେବ । ଦେଶବ୍ୟାପୀ ୧୩ଟି ଭାଷାରେ ଚଳିତଥର ନିଟ୍ ପରୀକ୍ଷା ହେବ । ତେବେ ଚଳିତବର୍ଷ ନିଟ୍ ଆବେଦନ ଲାଗି କୌଣସି ବୟସସୀମା ରଖାଯାଇ ନାହିଁ । ପୂର୍ବରୁ ୨୫ ବର୍ଷରୁ ଅଧିକ ବୟସ୍କ ନିଟ୍ ଏଣ୍ଟରାନ୍ସ ଲାଗି ଆବେଦନ କରିପାରୁ ନଥିଲେ ।
Application Process for NEET (UG) 2022 is now open. All the best. @EduMinOfIndia pic.twitter.com/fYibGc0JaB
— National Testing Agency (@NTA_Exams) April 6, 2022
ଓପନ୍ ସ୍କୁଲରୁ ଦ୍ୱାଦଶ ପାସ୍ କରିଥିଲେ ନିଟରେ ଭାଗ ନେଇପାରିବେ ନାହିଁ । ଦଶମ ବୋର୍ଡ ପରୀକ୍ଷା ଦେଇଥିବା ପରୀକ୍ଷାର୍ଥୀ ଆବେଦନ କରିପାରିବେ । ଏପରିକି ବୋର୍ଡ ପରୀକ୍ଷାରେ ବିଫଳ ପରୀକ୍ଷାର୍ଥୀ ନିଟ୍ ଲାଗି ଆବେଦନ କରିପାରିବେ ନାହିଁ ।
ନିଟ୍ ଆବେଦନ ଲାଗି ସାଧାରଣ ବର୍ଗ ପରୀକ୍ଷାର୍ଥୀ ୧୬୦୦ ଟଙ୍କା ଦେବାକୁ ଥିବାବେଳେ ଆର୍ଥିକ ପଛୁଆ ବର୍ଗ, ଓବିସି ପରୀକ୍ଷାର୍ଥୀଙ୍କୁ ୧୫୦୦ ଟଙ୍କା ଆବେଦନ ଖର୍ଚ୍ଚ ଦେବାକୁ ପଡ଼ିବ । ଅନୁସୂଚିତ ଜାତି, ଜନଜାତି, ତୃତୀୟ ଲିଙ୍ଗ ପରୀକ୍ଷାର୍ଥୀ ଆବେଦନ ପାଇଁ ୯୦୦ ଟଙ୍କା ଦେବେ । ଏନଆରଆଇ ପରୀକ୍ଷାର୍ଥୀଙ୍କୁ ୮ ହଜାର ୫୦୦ ଟଙ୍କା ଦେବାକୁ ପଡ଼ିବ ।
