Sushant Rajput Singh Case: ଡ୍ରଗ୍ସ ସମ୍ବନ୍ଧର ଖୋଳତାଡ଼ କରିବ NCB

ମୁମ୍ବାଇ: ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାର ତଦନ୍ତ ଆରମ୍ଭ କରିଛି NCB ବା ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ । ଇଡି ଅନୁରୋଧ କ୍ରମେ ଏନସିବି ତଦନ୍ତ ଆରମ୍ଭ କରିଛି । ଏନସିବି ପୂରା ଘଟଣାରେ ଡ୍ରଗ୍ସ ଆଙ୍ଗଲର ଯାଞ୍ଚ କରିବ । ପୂର୍ବରୁ ବରିଷ୍ଠ ବିଜେପି ନେତା ସୁବ୍ରମଣ୍ୟମ ସ୍ୱାମୀ ଅଭିଯୋଗ କରିଥିଲେ ଯେ, ମୃତ୍ୟୁ ଦିନ ସୁଶାନ୍ତ ଜଣେ ଡ୍ରଗ୍ ଡିଲରଙ୍କ ସହ ଆଲୋଚନା କରିଥିଲେ । ସୁବ୍ରମଣ୍ୟମ କହିଥିଲେ, ସୁଶାନ୍ତଙ୍କ ମୃତ୍ୟୁ ସହ ଦୁବାଇ ଡ୍ରଗ୍ ଡିଲରଙ୍କ ସମ୍ପର୍କ ରହିଛି । ଟ୍ୱିଟ୍ କରି ସେ ଲେଖିଥିଲେ ମୃତ୍ୟୁ ଦିନ ସୁଶାନ୍ତଙ୍କ ସହ ଦୁବାଇର ଡ୍ରଗ୍ ଡିୱର ଅୟାଶ ଖାନ୍ କଥା ହୋଇଥିଲେ । ଏହି ଅଭିଯୋଗ ପରେ ଏବେ ଏନସିବି ଡ୍ରଗ୍ସକୁ ନେଇ ଖୋଳତାଡ଼ କରିବ ।

ସୂଚନାଯୋଗ୍ୟ ଯେ, ସୁଶାନ୍ତଙ୍କ ମୃତ୍ୟୁ ମାମଲାର ତଦନ୍ତ ସିବିଆଇ କରୁଛି । ତଦନ୍ତରେ ସିବିଆଇ ସୁଶାନ୍ତଙ୍କ ସହ ଜଡ଼ିତ ବିଶିଷ୍ଟ ଲୋକଙ୍କୁ ଜେରା କରିଛି । ସୁଶାନ୍ତଙ୍କ ଫ୍ଲାଟରେ ରହୁଥିବା ସିଦ୍ଧାର୍ଥ ପିଠାନୀ, ରୋଷେୟା ନୀରଜ ସିଂହ ଓ ସହାୟକ ଦୀପକ ସାୱନ୍ତଙ୍କୁ ମଙ୍ଗଳବାର ପଚରାଉଚରା ପାଇଁ ଡାକିଛି । ଜଣେ ଅଧିକାରୀଙ୍କ ଅନୁସାରେ ପିଠାନି, ନୀରଜ ଓ ସାୱନ୍ତ ସାନ୍ତାକ୍ରୁଜ କଳିନା ସ୍ଥିତ ଡିଆରଡିଓ ଗେଷ୍ଟ ହାଉସ ଯାଇଥିଲେ । ସେଠାରେ ସିବିଆଇ ଅଧିକାରୀ ସେମାନଙ୍କୁ ଜେରା କରିଛନ୍ତି । ସିବିଆଇ ସୁଶାନ୍ତଙ୍କ ବାନ୍ଦ୍ରା ଆପାର୍ଟମେଣ୍ଟସ୍ଥିତ ଘରେ ସେହିଦିନ ଉପସ୍ଥିତ ଥିବା ୩ ଜଣଙ୍କୁ ଦ୍ୱିତୀୟ ଥର ଜେରା କରିଛି । ସୁଶାନ୍ତ ଜୁନ୍ ୧୪ରେ ନିଜ ରୁମରେ ଆତ୍ମହତ୍ୟା କରିଥିଲେ ।

ସୁଶାନ୍ତଙ୍କ ଆର୍ଥିକ କାରବାର ସମ୍ବନ୍ଧୀୟ ତଥ୍ୟ ଜାଣିବା ପାଇଁ ସିବିଆଇ ଚାର୍ଟାର୍ଡ ଆକାଉଣ୍ଟାଣ୍ଟ ଓ ଆକାଫଣ୍ଟାଟକୁ ମଧ୍ୟ ଡାକିଛି । ସୋମବାର ସିବିଆଇ ମୁମ୍ବାଇ ସ୍ଥିତ ରିସୋର୍ଟକୁ ଯାଇଥିଲା । ଯେଉଁଠି ସୁଶାନ୍ତ ସିଂହ ରାଜପୁତ କିଛି ମାସ ଥିଲେ । ଏନେଇ ସିବିଆଇ ପିଠାନି, ନୀରଜ ଓ ସାୱନ୍ତଙ୍କୁ ପଚରାଉଚରା କରିଛି । ପୂର୍ବରୁ ଶୁକ୍ରବାର ସିବିଆଇ ପିଠାନି ଓ ନୀରଜଙ୍କ ବୟାନ ରେକର୍ଡ କରିଥିଲା । ଶନିବାର ତଦନ୍ତକାରୀ ଟିମ୍ ପିଠାନି, ନୀରଜ ଓ ସାୱନ୍ତଙ୍କୁ ସୁଶାନ୍ତଙ୍କ ଫ୍ଲାଟକୁ ନେଇ ତଦନ୍ତ କରିଥିଲା । ରବିବାର ମଧ୍ୟ ତିନିଜଣଙ୍କୁ ଫ୍ଲାଟକୁ ନେବା ପରେ ସିବିଆଇ ଡିଆରଡିଓ ଗେଷ୍ଟ ହାଉସରେ ପଚରାଉଚରା କରିଥିଲା ।