ଋଷର ଆଣବିକ ଧମକ ପ୍ରତିବାଦରେ ନାଟୋର ଆଣବିକ ସମରାଭ୍ୟାସ

ଋଷ: ଋଷର ଆଣବିକ ଧମକ ପ୍ରତିବାଦରେ ନାଟୋର ଆଣବିକ ପ୍ରତିରୋଧ ଡ୍ରିଲ। ପଶ୍ଚିମ ୟୁରୋପରେ ନାଟୋର ୩୦ ରାଷ୍ଟ୍ର କରିଛନ୍ତି ଆଣବିକ ସମରାଭ୍ୟାସ । ଆସନ୍ତା ୩୦ ତାରିଖ ଯାଏ ଏହି ଡ୍ରିଲ ଚାଲିବ ବୋଲି ନାଟୋ ପକ୍ଷରୁ କୁହାଯାଇଛି । ୟୁଏସ ବି-୫୨ ଲଙ୍ଗରେଞ୍ଜ ବମ୍ବର ସମେତ ୬୦ଟି ବିମାନ ଏହି ପ୍ରଶିକ୍ଷଣ କାର୍ଯ୍ୟକ୍ରମରେ ସାମିଲ ହେବେ ।

ବେଲଜିୟମ, ବ୍ରିଟେନ ଓ ଉତ୍ତର ସାଗରରେ ଏହି ସମରାଭ୍ୟାସ ଜାରି ରହିବ । ବାରମ୍ବାର ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ ଆଣବିକ ଧମକ ଦେଉଥିବାରୁ ଏହି ଡ୍ରିଲ ବନ୍ଦ ହେବ ନାହିଁ ବୋଲି କହିଛନ୍ତି ନାଟୋ ମହାସଚିବ ଜେନସ ଷ୍ଟଲଟନବର୍ଗ । ଋଷ ବିରୋଧରେ ନାଟୋର ସାମିରକ ମେଣ୍ଟ ବଳବତ୍ତର ରହିବ ବୋଲି ସେ କହିଛନ୍ତି ।

ସେପଟେ ୧୫ ହଜାର ୟୁକ୍ରେନ ସୈନ୍ୟଙ୍କୁ ତାଲିମ ଦେବା ସହ ୫୦୦ ନିୟୁତ ୟୁରୋ ସହାୟତା ଲାଗି ଘୋଷଣା କରିଛି ୟୁରୋପୀୟ ୟୁନିଅନ । ୨୭ ସଦସ୍ୟ ବିଶିଷ୍ଟ ୟୁନିଅନ ପକ୍ଷରୁ ଏହି ସହାୟତାକୁ ବିରୋଧ କରିଛି ଋଷ ।