ଶ୍ରୀକାକୁଲମ: ଆନ୍ଧ୍ରପ୍ରଦେଶର ଶ୍ରୀକାକୁଲମ ଉପକୁଳକୁ ଭାସି ଆସିଲା ସୁନେଲି ମନ୍ଦିର । ଏହା ଏକ ମନ୍ଦିର ଚୁଡା ବା ରଥ ସଦୃଶ ହୋଇଛି । ବାହାର ଦେଶରରୁ ଏହା ଭାସି ଆସିଥିବା ଅନୁମାନ କରାଯାଉଛି । ମାଲେସିଆରୁ ଭାସି ଆସିଥିବା ଚର୍ଚ୍ଚା ହେଉଛି । ଏହି ରଥକୁ ଦେଖିବାକୁ ଲୋକଙ୍କ ଭିଡ଼ ଜମିଛି । ଏପଟେ ପ୍ରଶାସନ ପକ୍ଷରୁ ଉପରିସ୍ଥ ଅଧିକାରୀ ସୂଚନା ଦିଆଯାଇଛି । ଗୁଇନ୍ଦା ବିଭାଗକୁ ନେଇ ମଧ୍ୟ ସୂଚନା ଦିଆଯାଇଛି ।
https://fb.watch/cX3cEUNZz7/
ସାମୁଦ୍ରିକ ବାତ୍ୟା ‘ଅସାନୀ’ ପ୍ରଭାବରେ ସମୁଦ୍ର ଅଶାନ୍ତ ରହିଥିବା ବେଳେ ଆନ୍ଧ୍ରପ୍ରଦେଶର ଶ୍ରିକାକୁଲମ ଜିଲ୍ଲାର ସନ୍ଥବମାଲି କୂଳକୁ ଏକ ସୁନାର ରଥ ସଦୃଶ ଡଙ୍ଗା ଭାସି ଆସି ଥିବା ଦେଖିବାକୁ ମିଳିଛି। ଏଥିରେ ଥାଇ ବା ମଲେଶିୟା ଭାଷାରେ କିଛି ଲେଖା ହୋଇଥିବା ସହ ବୁଦ୍ଧ କଳାକୃତି ଥିବା ଦେଖିବାକୁ ମିଳିଛି। ତେଣୁ ସମ୍ଭବତଃ ଏହା ଥାଇଲ୍ଯାଣ୍ଡରୁ ଭାସି ଆସିଥିବା ଅନୁମାନ କରାଯାଇଛି। ଶ୍ରୀକାକୁଲମ କୋଷ୍ଟ ଗାର୍ଡ ପକ୍ଷରୁ ଏହି ସୁନ୍ଦର ରଥ ସଦୃଶ ଡଙ୍ଗାଟିକୁ ଜବତ କରାଯାଇ ତଦନ୍ତ ଆରମ୍ଭ ହୋଇଛି।
ଅନ୍ୟପଟେ, ସାନ୍ତାବୋମଲି ତହସିଲଦାର କହିଛନ୍ତି ଯେ, ଏହି ରଥ ଅନ୍ୟ ଦେଶରୁ ଆସିଥିବା ସମ୍ଭାବନା କମ୍। ତହସିଲଦାର କହିଛନ୍ତି ଯେ ଏହି ରଥଟି ଭାରତୀୟ ଉପକୂଳରେ କୌଣସି ଚଳଚ୍ଚିତ୍ର ସୁଟିଂ ପାଇଁ ବ୍ୟବହୃତ ହୋଇଥାଇପାରେ, କିନ୍ତୁ ଉଚ୍ଚ ଜୁଆର କାରଣରୁ ଏହା ଭାସିଆସି ଶ୍ରୀକାକୁଲମ୍ କୂଳରେ ଲାଗିଥାଇପାରେ ।
