ଖଣ୍ଡଗିରିରେ ଛୁରୀ ଭୁସି ହତ୍ୟା, ସାମାନ୍ୟ କଳକହରୁ ଯୁବକଙ୍କୁ ମର୍ଡର

ଭୁବନେଶ୍ୱର: ରାଜଧାନୀରେ ଯୁବକଙ୍କୁ ଛୁରୀରେ ଭୁସି ହତ୍ୟା । ଖଣ୍ଡଗିରି ଥାନା ରଘୁନାଥ ନଗର ମନ୍ଦିର ନିକଟରେ ଘଟିଛି ହତ୍ୟାକାଣ୍ଡ । ବିଳମ୍ବିତ ରାତ୍ରିରେ ସାମାନ୍ୟ ବଚସାକୁ କେନ୍ଦ୍ରକରି ଏହି ହତ୍ୟାକାଣ୍ଡ ଘଟିଥିବା ଜଣାପଡିଛି । ନିଶାସକ୍ତ ଅବସ୍ଥାରେ ଯୁବକଙ୍କୁ ଛୁରୀ ଭୁସି ହତ୍ୟା କରାଯାଇଛି । ମିଳିଥିବା ସୂଚନା ମୁତାବକ ମୃତକ ଜଣଙ୍କ ହେଉଛନ୍ତି ସନତାନ ରାଉତରାୟ ।

ଅଭିଯୋଗ ପରେ ପୋଲିସ  ଘଟଣାରେ ୬ ଜଣକୁ  ଗିରଫ କରିଥିବା ବେଳେ, ମୁଖ୍ୟ ଅଭିଯୁକ୍ତ ଫେରାର ହୋଇଯାଇଛି । ଖଣ୍ଡଗିର ପୋଲିସ ଘଟଣାର ତଦନ୍ତ କରୁଛି । କାହିଁକି ଓ କେଉଁ କାରଣରୁ ଯୁବକ ଜଣଙ୍କୁ ଅଭିଯୁକ୍ତମାନେ ହତ୍ୟା କଲେ ତାହାର କାରଣ ଖୋଜୁଛି ପୋଲିସ  । ସେପଟେ ଏହି ହତ୍ୟା ଘଟଣାରେ ଆଉ କେଉଁ ମାନଙ୍କର ହାତ ରହିଛି ତଦନ୍ତ ଚଳାଇଛି ଖଣ୍ଡଗିରି ପୋଲିସ  ।

Leave a Reply