ପାହାଡ଼ ଉପରୁ ତିନି ମୃତଦେହ ଉଦ୍ଧାର, ଗୁଣି ଗାରେଡ଼ି ସନ୍ଦେହରେ ହତ୍ୟା !
ସୋର: ବାଲେଶ୍ବର ଜିଲ୍ଲା ସୋର ଅଞ୍ଚଳରେ ଚାଞ୍ଚଲ୍ୟ । ପାହାଡ଼ ଉପରୁ ମିଳିଲା ୩ ଜଣଙ୍କ ମୃତଦେହ । ୫ ଦିନ ହେବ ଥିଲେ ନିଖୋଜ । ଗୁଣିଗାରେଡ଼ି ସନ୍ଦେହରେ ଏମାନଙ୍କୁ ହତ୍ୟା କରାଯାଇଥିବା ସନ୍ଦେହ ।
ଖବର ଅନୁସାରେ, ଔପଦା ବ୍ଲକ ବଡପୋଖରୀ ଗାଁ ନିକଟ ପାହାଡରୁ ଏମାନଙ୍କ ମୃତଦେହ ଉଦ୍ଧାର କରାଯାଇଛି । ୫ ଦିନ ହେବ ଏମାନେ ନିଖୋଜ ଥିଲେ । ଖଷାଜାଖୋଜି ପରେ ବି ପରିବାର ଲୋକେ ଏମାନଙ୍କ କୌଣସି ସନ୍ଧାନ ମିଳି ନଥିଲା ।
ପୋଲିସ ମୃତଦେହ ଉଦ୍ଧାର କରିବା ପରେ ବ୍ୟବଚ୍ଛେଦ ପାଇଁ ପଠାଇଛି । ଏହାସହ ଏକ ହତ୍ୟା ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି । ହତ୍ୟା ସନ୍ଦେହରେ ୬ ଜଣଙ୍କୁ ଅଟକ ରଖି ପୋଲିସ ପଚରାଉଚରା କରୁଛି । ମୃତକମାନେ ସମ୍ପର୍କରେ ମାମୁଁ, ମାଇଁ ଓ ମାଆ ବୋଲି ଜଣାପଡିଛି ।
