ଝିଅର ଜନ୍ମଦିନ ବାହାନାରେ ପିଲାମାନଙ୍କୁ ଘରକୁ ଡ଼ାକି ବନ୍ଧକ ରଖିଥିଲା
ଉତ୍ତରପ୍ରଦେଶ: ୧୧ ଘଣ୍ଟାର ରେସକ୍ୟୁ ଅପରେସନ୍ ….ଶେଷରେ ପୋଲିସର ଏନ୍କାଉଣ୍ଟରେ ନିପାତ ହେଲା ଦୁର୍ବୃତ୍ତ । ଉତ୍ତରପ୍ରଦେଶ ଫାରୁକାବାଦରେ ୨୩ ଶିଶୁଙ୍କୁ ବନ୍ଧକ ରଖିଥିବା ଅଭିଯ଼ୁକ୍ତର ପୋଲିସ ଗୁଳିରେ ମୃତ୍ୟୁ ହୋଇଛି । ବିଳମ୍ବିତ ରାତିରେ ବନ୍ଧକଥିବା ସମସ୍ତ ଶିଶୁଙ୍କୁ ଉଦ୍ଧାର କରିଛି ପୋଲିସ । ଗତକାଲି ଜନ୍ମ ଦିନ ପାଳନ ପାଇଁ ଘରୁକୁ ଡାକି ଦୁର୍ବୃତ୍ତ ଜଣକ ବନ୍ଧୁକ ମୁନରେ ସମସ୍ତଙ୍କୁ ବନ୍ଧକ ରଖିଥିଲା । ବନ୍ଦି ଥିବା ସମସ୍ତ ପିଲା ଏବଂ ମହିଳାଙ୍କୁ ମୁକୁଳାଇବା ପାଇଁ ଘଟଣାସ୍ଥଳରେ ଏସପି, ଏଏସପି ଏବଂ ଏଟିଏସ କମାଣ୍ଡେ । ପହଞ୍ଚିଥିଲେ । ହେଲେ ଅଭିଯୁକ୍ତ ଜଣକ ପୋଲିସ ଉପରକୁ ବୋମାମାଡ଼ କରିଥିଲା । ଫଳରେ କାନ୍ଥ ପଡି ୨ଜଣ ପୋଲିସ କର୍ମଚାରୀ ଆହତ ହୋଇଛନ୍ତି ।
ଗତକାଲି ଦ୍ୱିପହରରେ ମୋହମ୍ମଦାବାଦ କରସିୟା ଗାଁର ଅପରାଧୀ ସୁଭାଷ ବାଥମ ଝିଅର ଜନ୍ମଦିନ ବାହାନାରେ ଗାଁର ପିଲାମାନଙ୍କୁ ଘରକୁ ଡାକିଥିଲା । ଦ୍ୱିପହରଠାରୁ ପିଲାମାନକୁ ଘରେ ବନ୍ଧକ ରଖିଥିଲା ସୁଭାଷ । ସୁଭାଷ ନଁ।ରେ ଅଗରୁ ବି ଅପରାଧିକ ମାମଲା ରହିଥିଲା । ସେ କିଛିଦିନ ପୂବେ ଜେଲ୍ରୁ ଫେରିଥିବା ସୂଚନା ମିଳିଛି । ତେବେ ରେସ୍କ୍ୟୁ ଅପରେସନ୍ ବେଳେ ପୋଲିସ ଗୁଳିରେ ସୁଭାଷର ମୃତ୍ୟୁ ହୋଇଛି । ସେପଟେ ପିଲାଙ୍କୁ ମୁକୁଳାଇବା ପାଇଁ ନିୟୋଜିତ ହୋଇଥିବା ପୋଲିସ ଟିମ୍କୁ ୧୦ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ଯ଼ୋଗୀ ଆଦିତ୍ୟ ନାଥ ।
