କୋନ ଆଇସକ୍ରିମରୁ ବାହାରିଲା ମଣିଷ ଆଙ୍ଗୁଠି

ମୁମ୍ବାଇ : କୋନ ଆଇସକ୍ରିମରୁ ବାହାରିଲା କଟା ଆଙ୍ଗୁଠି। ଅନଲାଇନରେ ମଗାଇଥିଲେ ଆଇସକ୍ରିମ। ହେଲେ ଖାଇବାବେଳେ ସେଥିରୁ ବାହାରିଲା ଏକ କଟା ମନୁଷ୍ୟ ଅଙ୍ଗୁଳି। ମୁମ୍ବାଇ ମଲାଡ ଅଞ୍ଚଳର ଏ ଚାଞ୍ଚଲ୍ୟକର ଘଟଣା। ମୁମ୍ବାଇର ଜଣେ ଡାକ୍ତର ଏହି ଅଭିଯୋଗ ଆଣିଛନ୍ତି।  ଏହି କୋନ ଆଇସକ୍ରିମ ଅନଲାଇନରେ ଅର୍ଡର କରିଥିଲେ ଡାକ୍ତରଙ୍କ ଭଉଣୀ।

ସୂଚନା ଅନୁଯାୟୀ, ଗତକାଲି ଡାକ୍ତରଙ୍କ ଭଉଣୀ ଅନଲାଇନରେ ଆଇସକ୍ରିମ ମଗାଇଥିଲେ। ଏକ ଅନଲାଇନ ଆପ ଜରିଆରେ ଆଇସକ୍ରିମ ସହ ଅନ୍ୟ ଗ୍ରୋସରୀ ସାମଗ୍ରୀ ମଗାଇଥିଲେ। ଆଇସକ୍ରିମ ଖାଇବାବେଳେ ଡାକ୍ତର ଜଣଙ୍କ ସେଥିରେ ଆଙ୍ଗୁଠି ଥିବା ଦେଖିବାକୁ ପାଇଥିଲେ। ଏହାପରେ ତୁରନ୍ତ ସ୍ଥାନୀୟ ପୋଲିସକୁ ଖବର ଦେଇଥିଲେ । ପୋଲିସ ଏହି କଟା ଆଙ୍ଗୁଠି ଜବତ କରିବା ସହ ଫୋରେନସିକ୍ ଲ୍ୟାବକୁ ପରୀକ୍ଷା ଲାଗି ପଠାଇଛି । ଏହି ଘଟଣାର ତଦନ୍ତ ଜାରି ରଖିଛି ପୋଲିସ ।