ପାରାଦୀପରେ ମୁମ୍ବାଇ ଆଇଟିସି ଟିମ୍, ନକଲି ମଶାଧୂପ କାରଖାନାରେ ଚଢ଼ାଉ

ପାରାଦୀପ: ମଶାଧୂପ ବି ନକଲି । ପାରାଦୀପ ଆଦର୍ଶ ଥାନା ସ୍ଥିତ ତାରିଣୀଗଡ଼ାରେ ନକଲି ସ୍ଲିପ୍ ଓ୍ବେଲ ମଶାଧୂପ କାରଖାନା ଉପରେ ମୁମ୍ବାଇ ଆଇଟିସି ଇନଭେଷ୍ଟିଗେଟିଭ ବିଭାଗର ୫ ଜଣିଆ ଟିମ୍ ଓ ପୋଲିସର ଚଢାଉ । ବିପୁଳ ପରିମାଣର ନକଲି ସ୍ଲିପ ଓ୍ୱେଲ ମଶାଧୂପ, ପ୍ୟାକିଂ ଜରି, ଧୂପ ତିଆରି ମେସିନ,କେମିକାଲ ଓ ଗୋଟିଏ ଟାଟା ଜିପ୍ ଜବତ କରିଛି ପୋଲିସ । ଏଥିସହ କାରଖାନାର ମାଲିକ ରବିନ୍ଦ୍ର ନାୟକକୁ ଅଟକ ରଖିଛି ପୋଲିସ ।

ଦୀର୍ଘ ବର୍ଷ ହେଲା ପାରାଦୀପର ତାରିଣୀଗଡା ସ୍ଥିତ ନିଜ ଘରେ ରବିନ୍ଦ୍ର ନାୟକ ଓ ତାଙ୍କ ପୁଅ କର୍ଣ୍ଣାଟକରେ ତିଆରି ହେଉଥିବା ଏହି ସ୍ଲିପ୍ ଓ୍ୱେଲ୍  ମଶାଧୂପର ଡିଷ୍ଟ୍ରିବ୍ୟୁଟର ବୋଲି ପରିଚୟ ଦେଇ ଅବିକଳ ଲୋଗୋ ଓ ଷ୍ଟିକର ବ୍ୟବହାର କରି ନିଜେ ନକଲି ମଶାଧୂପ ତିଆରି କରି ବ୍ୟବସାୟ କରୁଥିଲେ । ଏ ସମ୍ପର୍କରେ କର୍ଣ୍ଣାଟକର କମ୍ପାନୀ ଜାଣିବା ପରେ ମୁମ୍ବାଇର ଆଇଟିସିର ଇନଭେଷ୍ଟିଗେଟିଭ ବିଭାଗରେ ଅଭିଯୋଗ କରିଥିଲେ । ଆଇଟିସି ବିଭାଗ ତଦନ୍ତ କରିବା ସହିତ ପାରାଦ୍ଵୀପରେ ପହଞ୍ଚିଥିଲେ । ବଜାରରେ ମିଳୁଥିବା ସ୍ଲିପ୍ ଓ୍ୱେଲ ମଶାଧୂପ ନକଲି ବୋଲି ସ୍ପଷ୍ଟ ହେବା ପରେ ପାରାଦ୍ଵୀପର ଅତିରିକ୍ତ ଏସପି ଓ ପାରାଦ୍ଵୀପ ଆଦର୍ଶ ଥାନା ଆଇଆଇସିଙ୍କ ସହାୟତାରେ କାରଖାନାରେ ଚଢ଼ାଉ କରିଥିଲେ । ଘଟଣାସ୍ଥଳରୁ କାରଖାନାର ମାଲିକ ରବିନ୍ଦ୍ର ନାୟକଙ୍କୁ ଧରିଥିବା ବେଳେ ରବିନ୍ଦ୍ରଙ୍କ ପୁଅ ବିକାଶ ରଞ୍ଜନ ନାୟକ ଓ ଅନ୍ୟଜଣେ ଫେରାର ଅଛନ୍ତି । ଅସଲି ସ୍ଲିପ୍ ଓ୍ୱେଲ ମଶାଧୂପର ଗୋଟିଏ ପେଟିର ଦାମ ୧୧ ହଜାର ଥିବା ବେଳେ ଏମାନେ ଉକ୍ତ କମ୍ପାନୀର ଲୋଗୋ ବ୍ୟବହାର କରି ୯ ହଜାର ଟଙ୍କାରେ ବିକ୍ରୟ କରୁଥିଲେ ।

Leave a Reply