କୋଭିଡ ସ୍କାମ ଅଭିଯୋଗରେ ମୁମ୍ବାଇରେ ପ୍ରବର୍ତ୍ତନ ନିର୍ଦ୍ଦେଶାଳୟର ରେଡ

ମୁମ୍ୱାଇ :  କୋଭିଡ ସ୍କାମ ଅଭିଯୋଗରେ ମୁମ୍ବାଇରେ ପ୍ରବର୍ତ୍ତନ ନିର୍ଦ୍ଦେଶାଳୟର ରେଡ । ଆଇଏଏସ ଅଫିସର ସଂଜୀବ ଜୟସ୍ବାଲ ଏବଂ ଶିବସେନା ଉଦ୍ଧବ ଗୋଷ୍ଠୀର ଦୁଇ ଜଣ ସହଯୋଗୀଙ୍କ ଘରେ ଛାପା ମାରିଛି ଇଡି । ଶିବସେନା ଉଦ୍ଧବ ଗୋଷ୍ଠୀର ଦୁଇ ସହଯୋଗୀ ହେଲେ ସୂରଜ ଚଭନ ଓ ସୁଜିତ ପାଟକର । ସୂରଜ ଶିବସେନା ଉଦ୍ଧବ ଗୋଷ୍ଠୀ ନେତା ତଥା ଆଦିତ୍ୟ ଠାକରେଙ୍କ ସହଯୋଗୀ ହୋଇଥିବାବେଳେ ସୁଜିତ ଦଳୀୟ ସାଂସଦ ସଂଜୟ ରାଉତଙ୍କ ଘନିଷ୍ଠ ।

ଥାନେ, ନଭି ମୁମ୍ବାଇ ସମେତ ମୁମ୍ବାଇର ୧୫ଟି ଇଲାକାରେ ରେଡ ମାରିଛି ଇଡି । ଆଇଏଏସ ଜୟସ୍ବାଲ ପୂର୍ବରୁ ଥାନେ ମ୍ୟୁନିସିପାଲ କମିଶନର ଥିବାବେଳେ ବୃହାନ ମୁମ୍ବାଇ ମ୍ୟୁନିସିପାଲିଟ କର୍ପୋରେସନର ଅତିରିକ୍ତ କମିଶନର ଥିଲେ । କୋଭିଡ ସମୟରେ ତାଙ୍କୁ ବୃହାନ ମୁମ୍ବାଇ ମ୍ୟୁନିସିପାଲିଟ କର୍ପୋରେସନର ଅତିରିକ୍ତ କମିଶନର ନିଯୁକ୍ତ କରାଯାଇଥିଲା । ଗତ ଜାନୁଆରୀରେ ଇଡି ବିଏମସି କମିଶନର ଆଇ ଏସ ଚହଲଙ୍କ ବାୟନ ରେକର୍ଡ କରିଥିଲା । ତାଙ୍କୁ ଏ ସଂପର୍କୀତ ମାମଲାରେ ଫିଲଡ ହସପିଟାଲର ଠିକା କାମ କାହାକୁ ଦିଆଯାଇଥିଲା ସେ ନେଇ ତଥ୍ୟ ଦେବାକୁ କୁହାଯାଇଥିଲା । ଆଜି ଏହାକୁ ନେଇ ଇଡି ରେଡ ମାରିଛି ।