ଆଜି ବାଂଲାଦେଶରେ ଗଠନ ହେବ ଅନ୍ତରୀଣ ସରକାର !

ନୂଆଦିଲ୍ଲୀ : ଆଜି ବାଂଲାଦେଶରେ ଗଠନ ହେବ ଅନ୍ତରୀଣ ସରକାର। ନୋବେଲ ବିଜେତା ମହମ୍ମଦ ୟୁନୁସଙ୍କ ନେତୃତ୍ବରେ ଗଠନ ହେବ ସରକାର। ଅନ୍ତରୀଣ ସରକାରର ମୁଖ୍ଯ ପରାମର୍ଶଦାତା ଭାବେ ଶପଥ ନେବେ ୟୁନୁସ। ସେପଟେ ବାଂଲାଦେଶରେ ଥମୁନି ହିଂସା। ପ୍ରଧାନମନ୍ତ୍ରୀ ପଦରୁ ଶେଖ୍ ହସିନାଙ୍କ ଇସ୍ତଫା ଓ ଦେଶ ଛାଡ଼ି ପଳାୟନ ସତ୍ତ୍ବେ ସେଠାରେ ସ୍ଵାଭାବିକ ସ୍ଥିତି ଫେରି ନାହିଁ। ବିଶେଷ କରି ଏବେ ହସିନାଙ୍କ ପାର୍ଟି ଆୱାମି ଲିଗ୍ ର ନେତାଙ୍କୁ ଟାର୍ଗେଟ କରାଯାଉଛି।

ଏହି ପାର୍ଟିର ୨୦ ଜଣ ନେତାଙ୍କ ସନ୍ଦେହଜନକ ଅବସ୍ଥାରେ ମୃତ୍ୟୁ ହୋଇଛି। ସେମାନଙ୍କୁ ହତ୍ୟା କରାଯାଇଥିବାର ସନ୍ଦେହ କରାଯାଉଛି। ଏହାକୁ ନେଇ ଅନ୍ତର୍ଜାତୀୟ ସ୍ତରରେ ଚିନ୍ତା ପ୍ରକାଶ ପାଇଛି। ତୁରନ୍ତ ହିଂସାକାଣ୍ଡ ବନ୍ଦ କରିବାକୁ ସେମାନେ ଆହ୍ଵାନ ଦେଇଛନ୍ତି। ୟୁନୁସ କହିଛନ୍ତି, ବର୍ତ୍ତମାନର ଅରାଜକତାରୁ ଦେଶକୁ ଶାନ୍ତିର ପଥ ଆଡ଼କୁ ନେବାକୁ ସେ ଚେଷ୍ଟା କରିବେ। ତାଙ୍କ ଉପରେ ଆର୍ମି ମଧ୍ୟ ଭରସା ରଖିଥିବା କହିଛନ୍ତି ଜେନେରାଲ ୱାକର ଉଜ୍ ଜମନ।