ନନ୍ଦିଘୋଷ ବ୍ୟୁରୋ : ପୁରୀ ଜିଲ୍ଲା ନିମାପଡ଼ା ଅଞ୍ଚଳରେ ସାଇବର୍ ଠକେଇର ଶିକାର ହେଲେ ଅବସର ପ୍ରାପ୍ତ ଶିକ୍ଷକ। ନିଜର ଫିକ୍ସ ଡିପୋଜିଟ୍ ଆକାଉଣ୍ଟରୁ ଆଖି ପିଛୁଳାକେ ଚାଲିଗଲା ୧୫ଲକ୍ଷ ଟଙ୍କା।ସୂଚନା ଅନୁଯାୟୀ ସ୍ଥାନୀୟ ବ୍ଲକ୍ ଭିଲିଗ୍ରାମ ପଞ୍ଚାୟତ ବିଷ୍ଣୁପୁର ଗ୍ରାମର ବାସିନ୍ଦା ଶ୍ରୀମାନ୍ତ ଶେଖର ରଥ।ନିଜର ଦୀର୍ଘଦିନ ଶିକ୍ଷକତା ବୃତ୍ତି ପରେ ଅବସର ବାବଦକୁ ଯାହା ଟଙ୍କା ମିଳିଥିଲା ସେଇ ଟଙ୍କାକୁ ସ୍ଥାନୀୟ ୟୁକୋ ବ୍ୟାଙ୍କରେ ଫିକ୍ସ ଡିପୋଜିଟ୍ ମାଧ୍ୟମରେ ରଖିଥିଲେ। ପରେ ହଟାତ୍ ଗୋଟିଏ ଫୋନ୍ କଲ୍ ମାଧ୍ୟମରେ ୫ଲକ୍ଷ ଲେଖାଏଁ ତିନିଥର ରେ ସମ୍ପୁର୍ଣ୍ଣ ଆକାଉଣ୍ଟ ଖାଲି ହୋଇଯାଇଛି। ତେବେ ଆଗରୁ ବିଭିନ୍ନ ସମୟରେ ସଞ୍ଚୟ ବ୍ୟାଙ୍କ ଆକାଉଣ୍ଟରୁ ଠକେଇ ହେଉଥିବା ବେଳେ ଫିକ୍ସ ଡିପୋଜିଟ୍ ଖାତାରୁ କିପରି ଭାବେ ଏତେ ଗୁଡେ ଟଙ୍କା ଚାଲିଗଲା ସମସ୍ତଙ୍କୁ ଆଚାର୍ଯ୍ୟ କରିଛି। ଏନେଇ ପୁରୀ ସାଇବର୍ ସେଲ୍ ଏବଂ ନିମାପଡ଼ା ଥାନରେ ଅଭିଯୋଗ ପରେ ପୁଲିସ ଘଟଣାର ତଦନ୍ତ ଜାରି ରଖିଛି।ଅନ୍ୟପଟେ ଅବସର ପ୍ରାପ୍ତ ଶିକ୍ଷକ ଜଣଙ୍କୁ ବ୍ୟାଙ୍କ କର୍ମଚାରୀ ସମ୍ପୂର୍ଣ୍ଣ ଅଣଦେଖା ଓ ଦୃବେବହାର କରିବା ସହିତ ଠିକ୍ ସମୟରେ ତାଙ୍କୁ ସହଯୋଗ କରୁନଥିବାରୁ ତାଙ୍କୁ ଠକେଇର ଶିକାର ହେବାକୁ ପଡ଼ିଛି ବୋଲି ଶିକ୍ଷକ ଜଣଙ୍କ ଅଭିଯୋଗ କରିଥିବା ବେଳେ ଘଟଣାକୁ ଏନେଇ ବ୍ୟାଙ୍କରେ କିଛି ସମୟ ଉତେଜନା ଦେଖିବାକୁ ମିଳିଥିଲା ପରବର୍ତୀ ସମୟରେ ପୋଲିସ ପହଂଚି ବୁଝା ସୁଝା କରିଥିଲା।
