ନନ୍ଦିଘୋଷ ବ୍ୟୁରୋ: ସୋମବାର ଖେଳାଯାଇଥିବା ଲକ୍ଷ୍ନୌ ବିପକ୍ଷ ମ୍ୟାଚରେ କମାଲ କରିଛନ୍ତି ଚେନ୍ନାଇ ସୁପରକିଙ୍ଗ୍ସର ଅଧିନାୟକ ମହେନ୍ଦ୍ରସିଂ ଧୋନୀ । ୧୧ ବଲରୁ ୨୬ ରନର ପାଳି ଖେଳିଥିଲେ । ତେବେ ଏହା ବଳରେ ଦଳ ସହଜରେ ବିଜୟ ହାସଲ କରିପାରିଛି । ଲଗାତାର ପରାଜୟ ବରଣ କରୁଥିବା ଧୋନୀଙ୍କ ଟିମ ଶେଷରେ ବିଜୟ ହାସଲ କରିଛି । ଦଳକୁ ବିଜୟ ପାଇଁ 30 ବଲରୁ 55 ରନ ଆବଶ୍ୟକ ଥିବା ବେଳେ CSK ଅଧିନାୟକ ମହେନ୍ଦ୍ର ସିଂହ ଧୋନି କ୍ରିଜକୁ ଆସିଥିଲେ। କିନ୍ତୁ ଏହା ପରେ ଧୋନି ଏପରି ଏକ ଇନିଂସ ଖେଳିଲେ ଯେ ମ୍ୟାଚ୍ର ଗତି ବଦଳିଗଲା। ସେ ମାତ୍ର ୧୧ ବଲ୍ରେ ୪ ଚୌକା ଏବଂ ୧ ଛକା ସହାୟତାରେ ୨୬ ରନ୍ର ଅପରାଜିତ ଇନିଂସ ଖେଳିଥିଲେ। ଧୋନି ଗୋଟିଏ ହାତରେ ଏକମାତ୍ର ଛକା ମାରିଥିଲେ। ସେ ପ୍ରଭାବଶାଳୀ ଖେଳାଳି ଶିବମ ସିଂହଙ୍କ ସହିତ ମିଶି ୨୭ ବଲ୍ ରେ ୫୬ ରନ୍ ର ଭାଗୀଦାରି କରିଥିଲେ। ଶିବମ ସିଂହ ୩୭ ବଲ୍ରେ ୨ଟି ଛକା ଏବଂ ୩ଟି ଚୌକା ସହାୟତାରେ ୪୩ ରନ୍ର ଅପରାଜିତ ଇନିଂସ ଖେଳିଥିଲେ। ଏହା ୭ ମ୍ୟାଚ୍ ମଧ୍ୟରେ CSKର ଦ୍ୱିତୀୟ ବିଜୟ। କିନ୍ତୁ ସେ ଏବେ ବି ପଏଣ୍ଟ ଟେବୁଲର ସବୁଠାରୁ ତଳେ ଅଛନ୍ତି। ପଏଣ୍ଟ ଟେବୁଲରେ LSG ଦଳ ଚତୁର୍ଥ ସ୍ଥାନରେ ଅଛି।
