ଦିଲ୍ଲୀ କ୍ୟାପିଟାଲ୍ସ ଖେଳାଳିଙ୍କର ମାଷ୍ଟର କ୍ଲାସ୍ ନେଲେ ଧୋନୀ, ଭାଇରାଲ୍ ହେଲା ଫଟୋ

ମୁମ୍ବାଇ: ଗତ ରବିବାର ହୋଇଥିବା ଆଇପିଏଲ ମ୍ୟାଚରେ ଚେନ୍ନାଇ ସୁପର କିଙ୍ଗସ ଜୋରଦାର୍ ପ୍ରଦର୍ଶନ କରି ଦିଲ୍ଲୀ କ୍ୟାପିଟାଲ୍ସକୁ ପରାସ୍ତ କରିଛି । ଚେନ୍ନାଇର ଏହି ବିଜୟ ପୂରା ସମୀକରଣକୁ ବଦଳାଇଦେଇଛି । ମ୍ୟାଚରେ ମହେନ୍ଦ୍ର ସିଂ ଧୋନୀଙ୍କ ଜବରଦସ୍ତ ଖେଳ ବି ଦେଖିବାକୁ ମିଳିଥିଲା । ଯେଉଁଥିରେ ଧୋନୀ ୮ଟି ବଲରେ ୨୧ ରନ୍ କରିଥିଲେ ।

ଆଉ ମ୍ୟାଚ୍ ଶେଷ ହେଲା ପରେ ଧୋନୀ ଦିଲ୍ଲୀ କ୍ୟାପିଟାଲ୍ସର ‘ମାଷ୍ଟରକ୍ଲାସ୍’ ନେଉଥିବା ନଜରକୁ ଆସିଛି । ଦେଖାଯାଉଥିବା ଫଟୋରେ ରିଷଭ ପନ୍ତ, ଅକ୍ସର ପଟେଲ, କୁଳଦୀପ ଯାଦବ ଏବଂ ଦିଲ୍ଲୀ କ୍ୟାପିଟାଲ୍ସର ଅନ୍ୟ ଖେଳାଳିମାନେ ଅଛନ୍ତି ।

ଏହି ଫଟୋ ସେୟାର କରି IPL ଲେଖିଛି ଯେ, ‘ଧୋନୀ ଯେତେବେଳେ କୁହନ୍ତି, ସେତେବେଳେ ସମେସ୍ତ ଶୁଣନ୍ତି’ । ଧୋନୀଙ୍କ ଏହି ଫଟୋ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି । କେବଳ IPL ନୁହେଁ ଦିଲ୍ଲୀ କ୍ୟାପିଟାଲ୍ସ ମଧ୍ୟ ଏହାକୁ ତାର ସୋସିଆଲ ମିଡିଆ ପେଜରେ ସେୟାର କରିଛି ।

ଏଠାରେ ଆପଣଙ୍କୁ କହି ରଖିବାକୁ ଚାହୁଁଛୁ ଯେ, ଧୋନୀଙ୍କ ଦଳ ଚେନ୍ନାଇ ସୁପର କିଙ୍ଗସ ଏହି ମ୍ୟାଚରେ ୨୦୮ ରନ୍ କରିଥିଲା । ଏବଂ ଦିଲ୍ଲୀ କ୍ୟାପିଟାଲ୍ସ ମାତ୍ର ୧୧୭ ରନରେ ହିଁ ଅଲଆଉଟ୍ ହୋଇଯାଇଥିଲା । କେବଳ ଧୋନୀ ୮ ବଲରେ ୨୧ ରନ କରିଥିଲେ । ଯେଉଁଥିରେ ଦୁଇଟି ଛକା ଥିଲା ।