ଓଡ଼ିଶାର ୨୭ଟି ସହରରେ ୫୬ ହଜାରରୁ ଊର୍ଦ୍ଧ୍ବ ପରୀକ୍ଷାର୍ଥୀ ଦେବେ ନିଟ୍ (UG)
1 min read
ଭୁବନେଶ୍ବର: ଆଜି ନିଟ୍(UG) ପରୀକ୍ଷା । ଓଡ଼ିଶାର ୨୭ଟି ସହରରେ ୧୨୫ଟି ସେଣ୍ଟରରେ ପରୀକ୍ଷା ଦେବେ ଛାତ୍ରଛାତ୍ରୀ । ସାରା ଦେଶରୁ ୨୦ଲକ୍ଷ ୫୯ହଜାର ୬ଜଣ ଦେବେ ପରୀକ୍ଷା । ସେଥିରୁ ଓଡ଼ିଶାରୁ ଅଛନ୍ତି ୫୬ହଜାର ୯୮୯ଜଣ ପରୀକ୍ଷାର୍ଥୀ । ପରୀକ୍ଷା ପାଇଁ ଭୁବନେଶ୍ୱରରେ ୨୨ଟି ସେଣ୍ଟରର ବ୍ୟବସ୍ଥା କରାଯାଇଛି । ଭୁବନେଶ୍ବରରୁ ୧୪ ହଜାର ୪୮୧ଜଣ ଛାତ୍ରଛାତ୍ରୀ ଦେବେ ପରୀକ୍ଷା ।
ଅନୁଗୁଳ, ବଲାଙ୍ଗିର, ଭୁବନେଶ୍ୱର, କଟକ, ରାଇରଙ୍ଗପୁର ମାଲକାନଗିରି ଆଦି ସହରରେ ପରୀକ୍ଷା ଅନୁଷ୍ଠିତ ହେବ । ସେହିପରି ଆସନ୍ତାକାଲିଠୁ ଆରମ୍ଭ ହେବ OJEE ପ୍ରବେଶିକା ପରୀକ୍ଷା । କାଲି, ୯ ତାରିଖ, ୧୧ ତାରିଖ, ୧୨ ଓ ୧୫ତାରିଖରେ OJEE ପ୍ରବେଶିକା ପରୀକ୍ଷା ଅନୁଷ୍ଠିତ ହେବ । ୧୧ବିଷୟରେ ସିବିଟି ମୋଡରେ ପରୀକ୍ଷା ହେବା ନେଇ ସୂଚନା ରହିଛି । ୩ଟି ସିଫ୍ଟରେ ହେବ ପରୀକ୍ଷା ।
ସକାଳ ୯ଟାରୁ ପ୍ରଥମ ସିଫ୍ଟ ଆରମ୍ଭ ହେଉଥିବା ବେଳେ ୧୨ଟା ୩୦ରୁ ଦ୍ବିତୀୟ ସିଫ୍ଟ, ୪ଟା ୩୦ରୁ ତୃତୀୟ ସିଫ୍ଟରେ ପରୀକ୍ଷା ଦେବେ ପିଲା । ମୋଟ ୪୪ଟି ପରୀକ୍ଷା କେନ୍ଦ୍ରରେ ୫୫ହଜାର ୯୭୯ଜଣ ପରୀକ୍ଷାର୍ଥୀ ପରୀକ୍ଷା ଦେବେ । ରାଜ୍ୟର ୩୦ଟି ସ୍ଥାନ ଓ ରାଜ୍ୟ ବାହାରେ ୩ଟି ସ୍ଥାନରେ ହେବ ପରୀକ୍ଷା ।
