ମାଙ୍କଡ଼ଙ୍କ ପ୍ରାଦୁର୍ଭାବର ପ୍ରତିକାର ପାଇଁ ମଙ୍କି ସ୍କ୍ବାଡ୍

ଭୁବନେଶ୍ବର: ମାଙ୍କଡ଼ ମାନଙ୍କ ପ୍ରାଦୁର୍ଭାବର ପ୍ରତିକାର ପାଇଁ ଗଠନ କରାଯାଇଛି ମଙ୍କି ସ୍କ୍ବାର୍ଡ। କ୍ଷୟକ୍ଷତି ନିରୋଧକ ଦଳ ମଧ୍ୟ ପ୍ରତ୍ୟେକ ବନଖଣ୍ଡରେ ମାଙ୍କଡ଼ ଘଉଡ଼ାଇବାରେ ସାହାଯ୍ୟ କରୁଛନ୍ତି । ମାଙ୍କଡ ଘଉଡାଇବା ଯନ୍ତ୍ର ସାହାଯ୍ୟରେ ମାଙ୍କଡ଼ ମାନଙ୍କୁ ଡରାଇ ଘଉଡା ଯାଉଛି । ସମ୍ବେଦନଶୀଳ ବନଖଣ୍ଡ ମାନଙ୍କରେ ମଙ୍କି ସ୍କ୍ବାର୍ଡ କାର୍ଯ୍ୟ କରୁଛନ୍ତି  । ମାଙ୍କଡ଼ ମାନଙ୍କୁ ଧରିବା ପାଇଁ ଆବଶ୍ୟକ ସ୍ଥଳେ ଅଭିଜ୍ଞ ‘ମାଙ୍କେଡ଼ିଆ’ ମାନଙ୍କ ସାହାଯ୍ୟ ନିଆଯାଉଛି  ।

ବିପଦ ସୃଷ୍ଟିକାରୀ ମାଙ୍କଡ଼ ମାନଙ୍କୁ ନିଶ୍ଚେତକ ଦିଆଯାଇ ଦୂର ଜଙ୍ଗଲରେ ଛଡାଯାଉଛି। ମାଙ୍କଡ଼ ମାନଙ୍କୁ ଖାଦ୍ୟ ନ ଦେବା ପାଇଁ ଲୋକମାନଙ୍କ ମଧ୍ୟରେ ସଚେତନତା ସୃଷ୍ଟି କରାଯାଉଛି । ଗୃହରେ ବିଧାୟକ ସୂର୍ଯ୍ୟବଂଶୀ ସୂରଜଙ୍କ ପ୍ରଶ୍ନରେ ବିବୃତି ରଖିଛନ୍ତି ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ମନ୍ତ୍ରୀ ପ୍ରଦିପ କୁମାର ଅମାତ । ସେହିଭଳି ଷଣ୍ଢ, ବନ୍ୟପ୍ରାଣୀ ଅନ୍ତର୍ଭୁକ୍ତ ହେଉନଥ‌ିବା ହେତୁ ଏହା ଦ୍ବାରା ହେଉଥ‌ିବା କ୍ଷୟକ୍ଷତି ରୋକିବାର ବ୍ୟବସ୍ଥା ବନ ବିଭାଗ ଦ୍ବାରା କରାଯାଏ ନାହିଁ ବୋଲି କହିଛନ୍ତି ମନ୍ତ୍ରୀ  ।