ମୁମ୍ବାଇ: ଇଣ୍ଡଷ୍ଟ୍ରିର ଗସିପ୍ ଅଧିକାଂଶ ସମୟ ଚର୍ଚ୍ଚାରେ ଥାଏ । ପ୍ରତିଦିନ ଫିଲ୍ମ ଇଣ୍ଡଷ୍ଟ୍ରିରେ ଅଭିନେତା ଏବଂ ଅଭିନେତ୍ରୀ ଏଣ୍ଟ୍ରି କରନ୍ତି । ସେମାନଙ୍କ ମଧ୍ୟରୁ କିଛି ସଫଳ ହୁଅନ୍ତି ତ କିଛି ପ୍ରତିଷ୍ଠା ହାସିଲ କରିପାରନ୍ତି ନାହିଁ । ସାଧାରଣତଃ ଦର୍ଶକମାନେ ମଧ୍ୟ ସେଲିବ୍ରିଟିମାନଙ୍କ ଜୀବନଶୈଳୀ ତଥା ବ୍ୟକ୍ତିଗତ ଜୀବନ ବିଷୟରେ ଜାଣିବା ପାଇଁ ଉତ୍ସୁକ ଥାଆନ୍ତି ।
ତେବେ ଏମିତି ଜଣେ ବଲିଉଡ ଅଭନେତ୍ରୀଙ୍କ ବିଷୟରେ ଜାଣନ୍ତୁ ଯେଉଁମାନଙ୍କ ସମ୍ପର୍କ ଅଣ୍ଡରୱାର୍ଲ୍ଡ ଡନ୍ ଙ୍କ ସହିତ ଥିଲା । ଅଣ୍ଡରୱାର୍ଲଡର ବଲିଉଡ ସହ ସମ୍ପର୍କ ବହୁତ ପୁରୁଣା । ରିପୋର୍ଟ ଅନୁସାରେ ବଲିଉଡ ଫିଲ୍ମ ଇଣ୍ଡଷ୍ଟ୍ରିର ଜଣେ ଅଭିନେତ୍ରୀ ଅଣ୍ଡରୱାର୍ଲଡ ଡନ୍ ଆବୁ ସାଲେମଙ୍କ ସହ ହୋଟେଲରେ ଧରାପଡିଥିଲେ । ତେବେ ସେହି ସୁନ୍ଦରୀ ଅଭିନେତ୍ରୀ କିଏ, ଜାଣନ୍ତୁ ।
ଅଭିନେତ୍ରୀ ମୋନିକା ବେଦୀ ଅଣ୍ଡରୱାର୍ଲଡ ଡନଙ୍କ ସହ ଏକ ହୋଟେଲରେ ଧରାପଡିଥିଲା । ମୋନିକା ଦେଖିବାକୁ ବହୁତ ସୁନ୍ଦର । ୯୦ ଦଶକରେ ସେ ହଟ୍ ଅଭିନେତ୍ରୀ ଭାବେ ଚର୍ଚ୍ଚିତ ଥିଲେ । ୧୯୯୫ ମସିହାରେ ତେଲୁଗୁ ଫିଲ୍ମ “ତାଜ ମହଲ”ରେ ଅଭିନୟ କରି ସେ ନିଜ ଫିଲ୍ମି କ୍ୟାରିଅର ଆରମ୍ଭ କରିଥିଲେ । ହେଲେ ମୋନିକା ନିଜ ଅଭିନୟ ପାଇଁ ନୁହଁ ବରଂ ହୋଟେଲରେ ଅଣ୍ଡରୱାର୍ଲଡ ଡନ୍ ଙ୍କ ସହ ଧରାପଡିବା ପରେ ଅଧିକ ଚର୍ଚ୍ଚାରେ ଥିଲେ ।
ମୋନିକା ବେଦୀଙ୍କର ଅଣ୍ଡରୱାର୍ଲ୍ଡ ଡନ୍ ଆବୁ ସାଲେମଙ୍କ ସହ ସମ୍ପର୍କ ଥିଲା। ଏବଂ ସେଥିପାଇଁ ଅଭିନେତ୍ରୀ ବଲିଉଡର ନିର୍ଦ୍ଦେଶକ ନିର୍ମାତାଙ୍କୁ ମଧ୍ୟ ଧମକ ଦେଉଥିଲେ ବୋଲି ଶୁଣିବାକୁ ମିଳିଥିଲା । କିନ୍ତୁ ଉଭୟଙ୍କୁ ପର୍ତ୍ତୁଗାଲର ଏକ ହୋଟେଲରେ ପୋଲିସ ଗିରଫ କରିଥିଲା । ଏହା ପରେ ମୋନିକା ବେଦୀଙ୍କୁ ଅନେକ ଦିନ ପାଇଁ ଜେଲରେ ରହିବାକୁ ପଡିଥିଲା। ବର୍ତ୍ତମାନ ଆବୁ ସାଲେମ ଜେଲରେ ଅଛନ୍ତି ଏବଂ ମୋନିକା ବେଦୀ ସିରିଏଲରେ କାମ କରୁଥିବା ଦେଖିବାକୁ ମିଳୁଛି।
ହେଲେ ଅନେକ ଦିନ ପରେ ମୋନିକା ନିଜ ବୟାନରେ କହିଥିଲେ ଯେ, ସେ ପ୍ରଥମେ ଜାଣି ନଥିଲେ ଯେ, ଅବୁ ଜଣେ ଡନ । ଅବୁ ସଲେମ ଜଣେ ବ୍ୟବସାୟୀ ଭାବରେ ନିଜକୁ ତାଙ୍କୁ ସାମ୍ନାରେ ପରିଚିତ କରିଥିଲେ । ଧିରେ ଧିରେ ମୋନିକା କିଛି ବିଷୟରେ ଜାଣିବାକୁ ପାଇଥିଲେ । ସେତେବେଳେ ସେ ତାଙ୍କ ପ୍ରେମରେ ପାଗଳ ଥିଲେ । ସେଥିପାଇଁ ଡନ୍ ହେବା ସତ୍ତ୍ୱେ ସେ ଅବୁଙ୍କ ହାତ ଛାଡିନଥିଲେ।
