ମଡର୍ଣ୍ଣାର ଦାବି, କରୋନାର ବ୍ରିଟେନ୍ ଓ ଦକ୍ଷିଣ ଆଫ୍ରିକା ଷ୍ଟ୍ରେନ୍ ବିରୋଧରେ ପ୍ରଭାବ ଦେଖାଉଛି ଭ୍ୟାକ୍ସିନ୍

ନୂଆଦିଲ୍ଲୀ: କରୋନାର ନୂଆ ଷ୍ଟ୍ରେନକୁ ନେଇ ଚିନ୍ତାରେ ବିଶ୍ୱ । କରୋନା ଭୂତାଣୁର ନୂଆ ଷ୍ଟ୍ରେନକୁ ନେଇ ବ୍ରିଟେନ୍ ଲକଡାଉନକୁ ପୁଣି ବଢ଼ାଇଛି । ଏତିକିବେଳେ ଆମେରିକାର ଟିକା ପ୍ରସ୍ତୁତକାରୀ କମ୍ପାନୀ ମଡର୍ଣ୍ଣା ଦେଇଛି ଖୁସି ଖବର । ଆମେରିକାର ବାଓଟେକ୍ନୋଲୋଜି କମ୍ପାନୀ ମଡର୍ଣ୍ଣା ଦାବି କରିଛି- ବ୍ରିଟେନ୍ ଓ ସାଉଥ ଆଫ୍ରିକାରେ ଦେଖା ଦେଇଥିବା କରୋନାର ନୂଆ ଷ୍ଟ୍ରେନ୍ ବିରୋଧରେ ଭ୍ୟାକ୍ସିନ୍ ପ୍ରଭାବଶାଳୀ । ମଡର୍ଣ୍ଣାର ୨ ଡୋଜ୍ ବିଶିଷ୍ଟ ୧୦୦ ମାଇକ୍ରୋଗ୍ରାମର ଟିକା କରୋନାର ନୂଆ ଷ୍ଟ୍ରେନ୍ ବିରୋଧରେ ପ୍ରଭାବଶାଳୀ ପରିଲକ୍ଷିତ ହେଉଛି ।

ତେବେ, କମ୍ପାନୀ ଏହାକୁ ନେଇ ଆହୁରି ଅଧ୍ୟୟନ କରିବ । ଭ୍ୟାକ୍ସିନର mRNA-1273କୁ ଅଧ୍ୟୟନ କରାଯିବ । ନୂଆ ଷ୍ଟ୍ରେନକୁ ନିଷ୍କ୍ରିୟ ଦିଗରେ ମଡର୍ଣ୍ଣା ଟିକା କେତେ କାର୍ଯ୍ୟ କରୁଛି ? ଦକ୍ଷିଣ ଆଫ୍ରିକାରେ ଦେଖା ଦେଇଥିବା କରୋନା ଷ୍ଟ୍ରେନ୍ B.1.351 ବିରୋଧରେ ଟିକା ଭଲ କାର୍ଯ୍ୟ କରୁଥିବା ମଡର୍ଣ୍ଣା ସିଇଓ ଷ୍ଟିଫେନ୍ ବାନ୍ସେଲ କହିଛନ୍ତି ।