ବ୍ରହ୍ମାଣ୍ଡ ସୁନ୍ଦରୀଙ୍କ ନାମରେ ଥାନାରେ ମାମଲା

ଚଣ୍ଡିଗଡ଼: ଅଡୁଆରେ ବିଶ୍ବ ସୁନ୍ଦରୀ । ଚଣ୍ଡିଗଡ଼ ଜିଲ୍ଲା କୋର୍ଟରେ ହରନାଜ ସନ୍ଧୁଙ୍କ ନାଁରେ ଅଭିଯୋଗ କରିଛନ୍ତି ପଞ୍ଜାବୀ ସିନେ ପ୍ରଯୋଜକ ଉପାସନା ସିଂ । ଫିଲ୍ମ ପ୍ରମୋସନ ପାଇଁ ହରନାଜ ଚୁକ୍ତି କରିଥିବା ବେଳେ ଏବେ ସମୟ ଦେଉ ନଥିବାରୁ ଉପାସନା ଆଇନର ଆଶ୍ରୟ ନେଇଛନ୍ତି ।

ଉପାସନାଙ୍କ ପଞ୍ଜାବୀ ସିନେମା ‘ବାଇ ଜୀ କୁଟ୍ଟାଙ୍ଗ’ ରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ହରନାଜ । ହେଲେ ସିନେମାର ପ୍ରମୋଶନ ପାଇଁ ସେ ଚୁକ୍ତି କରିଥିଲେ ବି ସମୟ ଦେଉନାହାନ୍ତି । ଉପାସନାଙ୍କ ସନ୍ତୋଷ ଏର୍ଟରଟେନମେଣ୍ଟ ବ୍ୟାନରରେ ନିର୍ମିତ ଆଉ ଏକ ଫିଲ୍ମରେ ବି ହରନାଜ ମୁଖ୍ୟ ଭୂମିକାରେ ଅଭିନୟ କରିଛନ୍ତି ।