ଲୁଟ୍ ପାଇଁ ଆସି ଫାଇନାନ୍ସ କର୍ମଚାରୀଙ୍କ ହାତ ହାଣିଦେଲେ ଦୁର୍ବୃତ୍ତ

ବାଲିପାଟଣା: ସଞ୍ଜ ନଇଁଲେ ଅପରାଧ ବଢ଼ୁଛି । ପୁଣି ବାଲିଅନ୍ତା ଅଞ୍ଚଳରେ ସକ୍ରିୟ ହେଲେ ଲୁଟେରା । ବାଲିଅନ୍ତା ବ୍ଲାକ ରଣପୁର ଗାଁରୁ ଟଙ୍କା ଆଦାୟ କରି ଫେରୁଥିବା ବେଳେ ଫାଇନାନ୍ସ କମ୍ପାନୀ କର୍ମଚାରୀଙ୍କୁ ମରଣାନ୍ତକ ଆକ୍ରମଣ କରିଛନ୍ତି ଦୁର୍ବୃତ୍ତ । ଆହାତ କର୍ମଚାରୀ ଜଣଙ୍କ ବନ୍ଧନ ବ୍ୟାଙ୍କର ବୋଲି ଜଣା ପଡ଼ିଛି ।

ଏଥିସହ ପଢ଼ନ୍ତୁ: ୧୪ ସାଇବର ଥାନାର ଉଦଘାଟନ କଲେ ମୁଖ୍ୟମନ୍ତ୍ରୀ

ଟଙ୍କା ଆଦାୟ ସାରି ଫେରୁଥିବା ବେଳେ ୨ ଜଣ ଦୁର୍ବୃତ୍ତ ଏକ ଲାଲ୍ ରଙ୍ଗର ପଲସରରେ ଆସି ଲୁଟ୍ ପାଇଁ ଆକ୍ରମଣ କରିଥିଲେ । ସେମାନଙ୍କ ମଧ୍ୟରେ କିଛି ସମୟ ଧସ୍ତାଧସ୍ତି ହୋଇଥିଲା । କର୍ମଚାରୀ ଜଣଙ୍କ ଡାହାତ ହାତକୁ ହାଣି ଦେଇଥିଲେ ଦୁର୍ବୃତ୍ତ । ସେହି ସମୟରେ କିଛି ସ୍ଥାନୀୟ ଲୋକ ପହଞ୍ଚିବାରୁ ଦୁର୍ବୃତ୍ତ ପଳାଇ ଯାଇଥିଲେ । ଆହାତ ଅବସ୍ଥାରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇ ଥିବାବେଳେ ପୋଲିସ ତଦନ୍ତ କରୁଛି ।