ନାବାଳିକା ଗଣଦୁଷ୍କର୍ମ ମାମଲା, ବ୍ୟକ୍ତିଗତ ହାଜର ପାଇଁ ଓଟିଭି ଏମଡିଙ୍କୁ ନୋଟିସ୍

ଭୁବନେଶ୍ୱର: ଇନଫୋସିଟି ନାବାଳିକା ଗଣଦୁଷ୍କର୍ମ ମାମଲାରେ ଆଜି ଶିଶୁ ସୁରକ୍ଷା ଆୟୋଗ ବୟାନ ରେକର୍ଡ କରିଛନ୍ତି । ନାବାଳିକାଙ୍କ ମାଆଙ୍କ ବୟାନ ରେକର୍ଡ ହୋଇଛି । ଓଟିଭି ଏମଡିଙ୍କ ପକ୍ଷରୁ ତାଙ୍କ ଓକିଲ ହାଜର ହୋଇ ପକ୍ଷ ରଖିଥିଲେ । ଶିଶୁ ସୁରକ୍ଷା ଆୟୋଗ ଅଭିଯୋଗକାରୀ ଓ ପ୍ରତିପକ୍ଷଙ୍କ ବୟାନ ରେକର୍ଡ କରିଛନ୍ତି । ଆସନ୍ତା ଡିସେମ୍ବର ୨ ତାରିଖରେ ପରବର୍ତ୍ତୀ ଶୁଣାଣି ହେବ ।

ପରବର୍ତ୍ତୀ ଶୁଣାଣି ତାରିଖରେ ବ୍ୟକ୍ତିଗତ ଭାବେ ଓଟିଭି ଏମଡି ଜଗୀ ମଙ୍ଗତ ପଣ୍ଡାଙ୍କୁ ହାଜର ହେବାକୁ ନୋଟିସ୍ ଦେଇଛନ୍ତି ଶିଶୁ ସୁରକ୍ଷା ଆୟୋଗ । ଜଗି ବ୍ୟକ୍ତିଗତ ଭାବେ ହାଜର ହେଲେ ତାଙ୍କର ବୟାନ ରେକର୍ଡ ହେବ । ଅନ୍ୟପଟେ ଡିସିପି ଓ କ୍ରାଇମବ୍ରାଞ୍ଚ ତଦନ୍ତକାରୀ ଅଧିକାରୀ ସମୟ ନେଇଥିବା ଶିଶୁ କମିଶନ ଅଧ୍ୟକ୍ଷା କହିଛନ୍ତି ।

ଏହି ମାମଲାର ଶୁଣାଣି କରି ହାଇକୋର୍ଟ ଆଜି ପୋଲିସକୁ ଭର୍ତ୍ସନା କରିଛନ୍ତି । ଡିସେମ୍ବର ୧୬ ସୁଦ୍ଧା କାର୍ଯ୍ୟାନୁଷ୍ଠାନ ନେଇ ସତ୍ୟପାଠ ଦାଖଲ କରିବାକୁ ପୋଲିସ ଡିଜିଙ୍କୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ଡିସେମ୍ୱର ୧୬ରେ ମାମଲାର ପରବର୍ତ୍ତୀ ଶୁଣାଣି ହେବ । ଗତ ମାର୍ଚ୍ଚ, ଏପ୍ରିଲ ମାସ ମଧ୍ୟରେ ଦୁଷ୍କର୍ମ ଘଟଣା ଘଟିଥିଲା । ୪ଜଣ ଓଟିଭି କର୍ମଚାରୀଙ୍କ ସହ ପୋଲିସ ସଂପୃକ୍ତ ଥିବା ନେଇ ଅଭିଯୋଗ ହୋଇଥିଲା । ଅଗଷ୍ଟ ୩୦ରେ ଏନେଇ ଲିଖିତ ଏତଲା ଦେଇଥିଲେ ପୀଡ଼ିତାଙ୍କ ମା । ଘଟଣା ଗଣମାଧ୍ୟମକୁ ଆସିବା ପରେ ସାରା ରାଜ୍ୟରେ ହଇଚଇ ସୃଷ୍ଟି ହୋଇଥିଲା ।