ଖେଳୁଥିବାବେଳେ କୁନି ଝିଅ ଉପରେ ପଡ଼ିଗଲା କାନ୍ଥ, ଚାଲିଗଲା ଜୀବନ

ବାରିପଦା: ଖେଳୁଥିବାବେଳେ ମାଡ଼ି ବସିଲା କାନ୍ଥ । ଅକାଳରେ ଚାଲିଗଲା ନିରୀହ ଝିଅର ଜୀବନ। କୁନି ଝିଅଟି ଖେଳୁଥିବା ବେଳେ କାନ୍ଥ ପଡ଼ି କୁନି ଝିଅର ମୃତ୍ୟୁ ହୋଇଛି।  ମିଳିଥିବା ସୂଚନା ମୁତାବକ ବାରିପଦା ଟାଉନଥାନା ୨୨ ନମ୍ବର ଓ୍ବାର୍ଡ ରଘୁନାଥପୁର ଅଞ୍ଚଳରେ ଘଟିଛି ଏହି ଅଭାବନୀୟ ଘଟଣା । ମୃତକ ହେଲେ ୧୦ବର୍ଷର ଝିଅ ମୁନି ବେହେରା ।

ଅପରାହ୍ନରେ ଘର ବାରଣ୍ଡାରେ ମୁନି ଖେଳୁଥିବାବେଳେ ଘଟିଥିଲା ଏହି ଅଘଟଣ  । ମୁନି ଉପରେ ପଡ଼ିଯାଇଥିଲା କାନ୍ଥ ।  ଗୁରୁତର ଅବସ୍ଥାରେ ବାରିପଦା ମେଡିକାଲ କଲେଜରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର କୁନି ଝିଅ ମୁନିକୁ ମୃତ ଘୋଷଣା କରିଥିଲେ  । ସେପଟେ ଝିଅର ମୃତ୍ୟୁ ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।