ମନ୍ତ୍ରୀ ଖୋଲିଲେ ଆଇଏଏସ ଅଫିସରଙ୍କ ଗୁମର

ଡୁଙ୍ଗୁରୁପାଲି: ମନ୍ତ୍ରୀ ଖୋଲିଲେ ଆଇଏଏସ ଅଫିସରଙ୍କ ଗୁମର । ମନ୍ତ୍ରୀ ଓ ଅଫିସରଙ୍କ ମଧ୍ୟରେ ରହୁନି ତାଳମେଳ । ମନ୍ତ୍ରୀ ଗୋଟିଏ କଥା କହୁଛନ୍ତି ତ ଅଫିସର ଗୋଟିଏ କଥା ହେଉଛନ୍ତି । ମଣ୍ଡିରେ କଟନି ଛଟନି ହେଉନ ଥିବା ଅଫିସର କହୁଥିବାବେଳେ ମନ୍ତ୍ରୀ କିନ୍ତୁ ଏହା ମାନିଛନ୍ତି । ମନ୍ତ୍ରୀ ଦେଇଥିବା ବୟାନରୁ ଏହା ସ୍ପଷ୍ଟ ହୋଇଛି । ମନ୍ତ୍ରୀ କୃଷ୍ଣ ପାତ୍ର କହିଛନ୍ତି- ଆଇଏଏସ ଅଫିସର କହୁଛନ୍ତି କୃଷକ-ମିଲରଙ୍କ ମଧ୍ୟରେ ମୁଣ୍ଡ ପୁରାନ୍ତୁନି ସରକାର । ସେମାନେ ଆପେ ନେଇଯିବେ । ସେପଟେ ମିଲର କହୁଛନ୍ତି ଚାଷୀ ଏତେ ଟଙ୍କା ପାଉଛନ୍ତି ଆମେ କ’ଣ ପାଇବୁ । ଅନେକ ଜିଲ୍ଲାରେ କଟନି ଛଟନି ହୋଇନି । କିଛି ଜିଲ୍ଲାରେ ମିଲର ମାନମାନି କରୁଛନ୍ତି ।

୬ରୁ ୭କିଲୋ କାଟିବା ପାଇଁ ଜିଦ ଧରୁଛନ୍ତି । ଆଶ୍ଚର୍ଯ୍ୟ, ଏଭଳି ମାନସିକତା ରହିଛି ସମସ୍ତଙ୍କୁ ପରିବର୍ତ୍ତନ କରିବାକୁ ସମୟ ଲାଗୁଛି । ଯେତେବଡ଼ ଅଫିସର ହୁଅନ୍ତୁ ପଛେ କଟନି ଛଟନିରେ ସହଯୋଗ କଲେ ତାଙ୍କ ଉପରେ କାର୍ଯ୍ୟାନୁଷ୍ଠାନ ହେବ । ଯେଉଁ ମିଲରମାନେ ଏମିତି କରିବେ ତାଙ୍କ ମିଲ୍ ବ୍ଲାକ ଲିଷ୍ଟେଡ୍ ହେବ । ୪୧ ଲକ୍ଷ ମେଟ୍ରିକ ଟନ ଧାନ କିଣା ସରିଥିବା କହିଛନ୍ତି ଯୋଗାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର ।