ଦିନ ଦ୍ବିପ୍ରହରରେ ହେଉଛି ଖଣିଜ ସମ୍ପଦ ଲୁଟ୍: ନୂଆ ସରକାର ଆସିବା ପରେ ସମସ୍ତଙ୍କ ଜାଣତରେ ଲୁଟ୍ ହେଉଥିବା ଅଭିଯୋଗ

ଭୁବନେଶ୍ବର: କୋରାପୁଟ ଜିଲ୍ଲାରେ ଦିନ ଦ୍ବିପ୍ରହରରେ ହେଉଛି ଖଣିଜ ସମ୍ପଦର ଲୁଟ୍ । ନୂଆ ସରକାର ଆସିବା ପରେ ସମସ୍ତଙ୍କ ଜାଣତରେ ଏସବୁ ଲୁଟ୍ ହେଉଥିବା ଅଭିଯୋଗ ହୋଇଛି । କୋରାପୁଟରେ ଦିନ ଦହାଡ଼େ ଲୁଟ୍ । ସମସ୍ତଙ୍କ ଜାଣତରେ ଲୁଟ ହେଉଛି ଖଣିଜ ସମ୍ପଦ । ଖଣି ଖନନ କରି ମନଇଛା ହେଉଛି ରପ୍ତାନୀ । ମୁଣ୍ଡଟେକୁଛି ଆନ୍ଦୋଳନ । ପ୍ରତିବାଦରେ ଜୟପୁର ବିଧାୟକଙ୍କ ନେତୃତ୍ୱରେ ଜ଼ିଲ୍ଲାର ବିଭିନ୍ନ ବ୍ଲକରୁ ଶହ ଶହ ଲୋକେ ବିରାଟ ରାଲିରେ ଆସି ଜ଼ିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିବା ସହିତ ବିକ୍ଷୋଭ ପ୍ରଦର୍ଶନ କରିଛନ୍ତି । ଜିଲ୍ଲାର ଥିବା ଖଣିକୁ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ କମ୍ପାନୀକୁ ଟେକି ଦେଇଛନ୍ତି । ବିନା ଗ୍ରାମସଭା ଓ ପଲ୍ଲୀ ସଭାରେ କମ୍ପାନୀ ମାନେ ନିଜ ଇଚ୍ଛା ଅନୁସାରେ ଖଣି ଖୋଳି ନେଉଥିବା ଅଭିଯୋଗ ହୋଇଛି । ଜିଲ୍ଲା ସୌନ୍ଦର୍ଯ୍ୟ ହରାଇବା ସହ ଏଠାକାର ଶିକ୍ଷିତ ଯୁବକ ଯୁବତୀଙ୍କୁ ମଧ୍ୟ ନିଯୁକ୍ତି ସୁଯୋଗରୁ ବଞ୍ଚିତ ହେଉଛନ୍ତି । ଏନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରିଛି ସଂଗ୍ରେସ ।

ରାଷ୍ଟୀୟ ସମିତିର ଆବାହକ ପ୍ରଫୁଲ ସାମନ୍ତାରାଏ ନେତୃତ୍ବରେ ଏନେଇ ଜନ ଆନ୍ଦୋଳନ କରାଯିବା ସହ କୋରାପୁଟ ଜନ ସୁରକ୍ଷା ସଂଘ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ଏହାକୁ ବନ୍ଦ କରିବାକୁ ଦାବି ହୋଇଛି । ବିକାଶ ନାଁରେ ଉତ୍କର୍ସ ଓଡିଶା ବା ପ୍ରଭାସୀ ଓଡିଶା ଆୟୋଜନ କରି ବଡ ବଡ କମ୍ପାନୀକୁ ଖଣି ଖାଦାନ ଟେକି ଦେବାକୁ ଯୋଜନା କରୁଥିବା ଅଭିଯୋଗ କରିଛନ୍ତି ପ୍ରଫୁଲ ସାମନ୍ତରାଏ । ଜିଲ୍ଲାର ବାଲଦା ଖଣି, ସିଜି ମାଳି, ମାଲି ପର୍ବତ, କିମ୍ବା କୁଟୃ ମାଳିକୁ ସୁରକ୍ଷିତ କରିବାକୁ ରାଜ୍ୟ ସରକାରଙ୍କୁ ନିବେଦନ କରିଛନ୍ତି । ଏପଟେ ଖଣି ଓ ଇସ୍ପାତ ମନ୍ତ୍ରୀ କୋରାପୁଟ ଜିଲ୍ଲାର ଗ୍ରସ୍ତ କରି ସମୀକ୍ଷା କରିଛନ୍ତି । ସମସ୍ତ ଖଣିଜ ସମ୍ପଦ ଚୋରା ଚାଲାଣକୁ ରୋକିବାକୁ ନିର୍ଦ୍ଦେଷ ଦେଇଛନ୍ତି । ନୂତନ ଖଣିକୁ ସଠିକ୍ ଭାବରେ ତଦାରଖ କରାଯିବ ଓ ପଥର ବାଲି ଚୋରା ଚାଲାଣ ଉପରେ ଖଣିଜ ବିଭାଗ ସହିତ ଜିଲ୍ଲା ପ୍ରଶାସନ ପକ୍ଷରୁ ଚଢାଉ କରାଯିବ ବୋଲି କହିଛନ୍ତି ମନ୍ତ୍ରୀ ।କୋରାପୁଟ ଜିଲ୍ଲାର କଣିଜ ସମ୍ପଦ ଉପରେ ଆଖି ରଖିଥିବା ପଞ୍ଜିପତିମାନଙ୍କୁ ବିକାଶ ନାମରେ ଖଣିଜ ସମ୍ପଦ ଟେକି ଦେବା ବିରୋଧରେ ଜନ ଆନ୍ଦୋଳନ ମୁଣ୍ଡ ଟେକୁଛି ।