ଫେରିଗଲେ ଯମଦୂତ! ମରୁ ମରୁ ଅଳ୍ପକେ ବଞ୍ଚିଗଲେ ଉନ୍ମତ୍ତ ଯୁବକ
ଭୁବନେଶ୍ୱର: ବାଣୀବିହାରରେ ସରିଲା ହାଇଡ୍ରାମା । ଉତ୍କଳ ବିଶ୍ୱବିଦ୍ୟାଳୟ ପରିଜା ଲାଇବ୍ରେରୀ ଛାତରୁ ସୁରକ୍ଷିତ ଉଦ୍ଧାର ହେଲେ ଉନ୍ମତ୍ତ ଯୁବକ । ଉଦ୍ଧାର ଯୁବକ ଜଣଙ୍କ କେନ୍ଦ୍ରାପଡ଼ା ପଟ୍ଟାମୁଣ୍ଡାଇ ଅଞ୍ଚଳର । ଯୁବକ ଜଣଙ୍କୁ ଉଦ୍ଧାର ପାଇଁ ଦୀର୍ଘ ଘଣ୍ଟା ଧରି ଦମକଳ ବାହିନୀ ଚଳାଇଥିଲା ଅପରେସନ୍ । ସ୍କାଏ ଲିଫ୍ଟ ସହାୟତାରେ ଅତ୍ୟନ୍ତ ସତର୍କତାର ସହ ତାଙ୍କୁ ଅଗ୍ନିଶମ ବାହିନୀ ଉଦ୍ଧାର କରିଛି ।
ଛାତ ଉପରକୁ ଚଢ଼ି ଆତ୍ମହତ୍ୟା ଧମକ ଦେଉଥିଲେ ଉନ୍ମତ୍ତ ଯୁବକ । ଏଭଳି କାଣ୍ଡ ନେଇ ବିସ୍ଫୋରକ ବୟାନ ରଖିଛନ୍ତି ତାଙ୍କ ବାପା । କହିଛନ୍ତି, ଚାକିରି ହରାଇବା ପରେ ଭାରସାମ୍ୟ ହରାଇଛି ପୁଅ । ଦୀର୍ଘ ୧ ମାସ ଧରି ନିଖୋଜ ଥିବା କହିଛନ୍ତି ଯୁବକଙ୍କ ବାପା ।
