ଚଳିତ ଆଇପିଏଲ ନିଲାମୀରେ ରହିଛନ୍ତି ୧୩ ବର୍ଷୀୟ ଖେଳାଳି ଏବଂ ୪୨ ବର୍ଷୀୟ ଜେମ୍ସ ଆଣ୍ଡରସନ

ନନ୍ଦିଘୋଷ ବ୍ୟୁରୋ: ଆସନ୍ତା ୨୪ ଏବଂ ୨୪ ତାରିଖରେ ଆଇପିଏଲ ମେଗା ଅକ୍ସନ ହେବାକୁ ଯାଉଛି । ୧୫୭୪ ଖେଳାଳି ମେଗା ଅକ୍ସନରେ ଭାଗ ନେବାକୁ ଫର୍ମ ପକାଇଥିବାବେଳେ ୫୭୪ ଜଣଙ୍କ ସର୍ଟଲିଷ୍ଟ କରାଯାଇଛି । ତେବେ ଏହି ଖେଳାଳିଙ୍କ ମଧ୍ୟରେ ୩୬୬ ଭାରତୀୟ ଏବଂ ୨୦୮ ଜଣ ବିଦେଶୀ ଖେଳାଳି ରହିଛନ୍ତି । ସବୁଠାରୁ ବଡ଼ କଥା ହେଉଛି କି, ଏହି ଖେଳାଳିଙ୍କ ମଧ୍ୟରେ ଜଣେ ୧୩ ବର୍ଷୀୟ ଖେଳାଳିଙ୍କ ନାମ ରହିଛି । ସେ ହେଉଛନ୍ତି ବିହାରର ବୈଭବ ସୂର୍ଯ୍ୟବଂଶୀ । ଚଳିତ ବର୍ଷ ସେ ପ୍ରଣଥ ଶ୍ରେଣୀ କ୍ରିକେଟରେ ଡେବ୍ୟୁ କରିଛନ୍ତି । ତାଙ୍କର ବେଶ ପ୍ରାଇସ୍ ୩୦ ଲକ୍ଷ ଟଙ୍କାର ରହିଛି ।

ଅନ୍ୟପଟେ ଯଦି ଆଣ୍ଡରସନଙ୍କ କଥା କହିବା ତାହେଲେ ଏହି ୪୨ ବର୍ଷୀୟ ଖେଳାଳିଙ୍କ ବେଶ ପ୍ରାଇସ୍ ରହିଛି ୧ କୋଟି ୨୫ ଲକ୍ଷ । ୨୦୧୪ ମସିହାଠାରୁ ସେ କୌଣସି ଟି-୨୦ ମ୍ୟାଚ ଖେଳିନାହାନ୍ତି । ଚଳିତ ବର୍ଷ ସେ ଆନ୍ତର୍ଜାତୀୟ କ୍ରିକେଟକୁ ଅଲବିଦା କହିଛନ୍ତି । କିନ୍ତୁ ଏବେ ସେ ଆଇପିଏଲ ଖେଳିବାକୁ ମନ ବଳାଇଛନ୍ତି । ଯଦି ତାଙ୍କର ଆଇପିଏଲ କ୍ୟାରିୟର କଥା କହିବା ତାହେଲେ ସେ ୨୦୦୭ରୁ ୨୦୦୯ ପର୍ଯ୍ୟନ୍ତ ଖେଳିଛନ୍ତି । କିନ୍ତୁ ସେ ଦୀର୍ଘଦିନ ଧରି ଟି-୨୦ ମ୍ୟାଚ ଖେଳିନାହାନ୍ତି । ମାତ୍ର ଏଥରକ ମେଗା ଅକ୍ସନରେ ଭାଗ ନେବାକୁ ଯାଉଛନ୍ତି ।