ନକ୍ସଲଙ୍କୁ ଅର୍ଥ ଯୋଗାଉଛି ଗଞ୍ଜେଇ ଚାଷ । ଏଣୁ ନକ୍ସଲଙ୍କ ଉପରେ ଅଙ୍କୁଶ ଲଗାଇବା ନେଇ ଗଞ୍ଜେଇ ଚାଷର ହେବ ମୂଳୋତ୍ପାଟନ । ନକ୍ସଲ ପ୍ରଭାବିତ ଅଞ୍ଚଳରେ ଗଞ୍ଜେଇ ଚାଷକୁ ଧ୍ୱଂସ କରିବାକୁ ଆରମ୍ଭ ହୋଇଛି ନୂଆ ଟେକନିକ୍ । ଏଣିକି ଗଞ୍ଜେଇ ଚାଷ, ଗଞ୍ଜେଇ ଚାଲାଣକୁ ମୂଳରୁ ନିପାତ କରିବାକୁ ଯୋଜନା କରିଛି ଓଡିଶା ପୋଲି୍ସ । ଏନେଇ ଭୁବନେଶ୍ୱରର କ୍ରାଇମବ୍ରାଞ୍ଚ ଏସଟିଏଫ କାର୍ଯ୍ୟାଳୟରେ  ପୋଲିସ ଡିଜି ବିଜୟ କୁମାର ଶର୍ମାଙ୍କ ଅଧ୍ୟକ୍ଷତାରେ ପ୍ରସ୍ତୁତ ହୋଇଛି ବ୍ଲୁପ୍ରିଣ୍ଟ୍ । ଓଡିଶା ପୋଲିସ, କ୍ରାଇମବ୍ରାଞ୍ଚ , ଫରେଷ୍ଟ , ରାଜସ୍ୱ, ଅବକାରୀ , ନାରକୋଟିକ୍ସ ବିଭାଗର ଅଧିକାରୀଙ୍କ ସହ ହୋଇଛି ସମନ୍ୱୟ ବୈଠକ  । । ବୈଠକରେ ଓଡିଶା ପୋଲିସ , କ୍ରାଇମବ୍ରାଞ୍ଚ , ଫରେଷ୍ଟ , ରେଭିନ୍ୟୁ ,  ଅବକାରୀ , ନାରକୋଟିକ୍ସ ବିଭାଗର ଅଧିକାରୀଙ୍କ କିଭଳି ଭୁମିକା ରହିବ ତାହାର ଷ୍ଟ୍ରାଟର୍ଜି ପ୍ରସ୍ତୁତ ହୋଇଛି । ରାଜ୍ୟର ୯ଟି ଜିଲ୍ଲା ସମ୍ବଲପୁର , ଦେବଗଡ , ଅନୁଗୁଳ , ମାଲାକାନାଗିରି , ରାୟଗଡା , କୋରାପୁଟ , ବୌଦ୍ଧ , କନ୍ଧମାଳ ,ଗଞ୍ଜାମରେ ବହୁଳ ମାତ୍ରାରେ ଗଞ୍ଜେଇ ଚାଷ  ହେଉଥିବାରୁ ଏହା ଉପରେ ଫୋକସ ଦିଆଯାଉଛି ବୋଲି ଅବକାରୀ କମିଶନର ଅଞ୍ଜନ କୁମାର ମାଣିକ ଓ ସନ୍ତୋଷ ଉପାଧ୍ୟାୟ କହିଛନ୍ତି । ସେପଟେ ଗତ ୧ ବର୍ଷ ମଧ୍ୟରେ ମାଲକାନାଗିରି , ରାୟଗଡା ଓ କନ୍ଧମାଳରେ ୧ କୋଟି ୩୭ ଲକ୍ଷ ଗଞ୍ଜେଇ ଗଛକୁ ନଷ୍ଟ କରାଯାଇଛି  । ଏବେ ସୁଦ୍ଧା ୧୧ ହଜାର ୬୨୭ ହେକ୍ଟର ବେଆଇନ ଗଞ୍ଜେଇ ଚାଷ ନଷ୍ଟ କରିବାରେ ସଫଳ ହୋଇଛି ପୋଲିସ । ଅଧିକରୁ ଅଧିକ ମାତ୍ରାରେ ଗଞ୍ଜେଇ ପ୍ଲାଣ୍ଟେସନକୁ ନଷ୍ଟ କରିବାକୁ କୋରାପୁଟ , ନବରଙ୍ଗପୁର , ମାଲକାନାଗିରି , କଳାହାଣ୍ଡିର ଏସପିମାନଙ୍କୁ ଗାଇଡଲାଇନ ଜାରି କରାଯାଇଛି ।  କିଭଳି ସମସ୍ତଙ୍କ ଗୁଇନ୍ଦାର ରିପୋର୍ଟ ଅନୁଯାୟୀ ସମନ୍ୱୟ ଭାବେ କାମ କରିବେ ତାହା ଉପରେ ଆଲୋଚନା ହୋଇଛି । ପୂର୍ବରୁ ବହୁ ଗଞ୍ଜେଇ  ଚାଷର ମାଷ୍ଟରମାଇଣ୍ଡମାନଙ୍କୁ  ମହାରାଷ୍ଟ୍ର  ୟୁପି , ଏମପି , ବିହାର ଓ ଛତିଶଗ଼ଡରୁ ଧରିଛି ପୋଲିସ୍ । ଏମାନେ ନକ୍ସଲ ଅଞ୍ଚଳର ପାହାଡ ଉପରେ ଚାଷ କରି ଅର୍ଥ ଯୋଗଉଥିବା ଜାଣିବାକୁ ପାଇଛି ପୋଲିସ୍ ।  ଗଞ୍ଜେଇ ଚାଲାଣ  ରୋକିବା ଉପରେ ଯେତିକି ଫୋକସ୍ ଦିଆଯାଉଛି ତାହାଠାରୁ ଗଞ୍ଜେଇ ଚାଷକୁ ନିପାତ କରିବାକୁ ୧୦ ଗୁଣା ଅଧିକ ନଜର ରଖିବାକୁ ସମସ୍ତ ଜିଲ୍ଲାର ଏସପି ଓ ସମସ୍ତ ତଦନ୍ତକାରୀ ସଂସ୍ଥାମାନଙ୍କୁ କହିଛନ୍ତି ପୋଲିସ ଡିଜିପି ।

')}