ଦିଲ୍ଲୀ ଟିକ୍ରି ବର୍ଡରରେ ବଡ଼ଧରଣର ଅଗ୍ନିକାଣ୍ଡ, ଜଳିଗଲା ପ୍ଲାଷ୍ଟିକ ଗୋଦାମ

ନୂଆଦିଲ୍ଲୀ: ଦିଲ୍ଲୀ ଟିକ୍ରି ବର୍ଡରରେ ବଡ଼ ଧରଣର ଅଗ୍ନିକାଣ୍ଡ । ଏକ ପ୍ଲାଷ୍ଟିକ ଗୋଦାମରେ ନିଆଁ ଲାଗି ବିପୁଳ ସମ୍ପତ୍ତି କ୍ଷତି ଘଟିଥିବା ସୂଚନା ମିଳିଛି । ଆଜି ଭୋରରେ ଦିଲ୍ଲୀ ଟିକ୍ରି କଲାନ ଅଞ୍ଚଳ ଅନ୍ତର୍ଗତ ପିଭିସି ମାର୍କେଟ ନିକଟରେ ଥିବା ଏକ ବଡ଼ ପ୍ଲାଷ୍ଟିକ ଗୋଦାମରେ ଅଗ୍ନିକାଣ୍ଡ ଘଟିଥିଲା । ନିଆଁ ଲିଭା କାର୍ଯ୍ୟରେ ୨୬ରୁ ଅଧିକ ଦମକଳ ଗାଡ଼ି ନିୟୋଜିତ ହୋଇଥିଲା । ତେବେ ଅଗ୍ନିକାଣ୍ଡରେ କେହି ମୃତାହତ ହୋଇଥିବା ସୂଚନା ମିଳିନାହିଁ । ଘଟଣାସ୍ଥଳରେ ଅଗ୍ନିଶମ ବାହିନୀ ଓ ପୋଲିସ ଉଦ୍ଧାର କାର୍ଯ୍ୟ କରିଛନ୍ତି । ପବନ ବହିବା ଯୋଗୁ ନିଆଁ ଆୟତ୍ତ କରିବା କଷ୍ଟସାଧ୍ୟ ହୋଇଛି ବୋଲି କହିଛନ୍ତି ଡେପୁଟି ଚିଫ ଫାୟାର ଅଫିସର ଏସକେ ଦୁଆ । ଗତ ସପ୍ତାହରେ ଦିଲ୍ଲୀ ଓ୍ବାଜିରପୁର କାରଖାନାରେ ମଧ୍ୟ ଏକ ଅଗ୍ନିକାଣ୍ଡ ଘଟିଥିଲା ।