ବିରାଟ କୋହଲିଙ୍କୁ ପଛରେ ପକାଇଲେ ଗପ୍ଟିଲ, ଟି-୨୦ରେ ହେଲେ ସର୍ବାଧିକ ରନ କରିଥିବା ବ୍ୟାଟ୍ସମ୍ୟାନ
1 min read![](https://nandighoshatv.com/wp-content/uploads/2021/11/କୋହଲିଙ୍କୁ-ଟପଲି-ଗପ୍ଟିଲ-1-1024x576.jpg)
ରାଞ୍ଚି: ଗତକାଲି ରାଞ୍ଚିରେ ଖେଳାଯାଇଥିଲା ଭାରତ-ନ୍ୟୁଜିଲାଣ୍ଡ ଦ୍ବିତୀୟ ଟି-୨୦ ମ୍ୟାଚ । ଏହି ମ୍ୟାଚକୁ ଜିତି ଏହି ସିରିଜକୁ କବଜ୍ଜା କରିଛି ଟିମ୍ ଇଣ୍ଡିଆ । ଏହି ମ୍ୟାଚରେ ପରାଜୟ ସତ୍ତ୍ବେ ଏକ ରେକର୍ଡ ସୃଷ୍ଟି କରିଛନ୍ତି ନ୍ୟୁଜିଲାଣ୍ଡ ଓପନର ମାର୍ଟିନ ଗପ୍ଟିଲ । ମାର୍ଟିନ ଗପ୍ଟିଲ ଭାରତର ଷ୍ଟାର ବ୍ୟାଟ୍ସମ୍ୟାନଙ୍କ ପଛରେ ପକାଇ ଟ-୨୦ରେ ସର୍ବାଧିକ ରନ କରିଛନ୍ତି । ଏହି ରେକର୍ଡ କରିବା ପାଇଁ ଗପ୍ଟିଲଙ୍କୁ ଆଉ ମାତ୍ର ଦରକାର ଥିଲା ୧୧ ରନ ।
A strong opening stand comes to an end at 48/1. Martin Guptill goes for 31 from 15 balls. The innings saw him overtake Virat Kohli as the highest run scorer in Men's T20I cricket. Mark Chapman joins Daryl Mitchell 16* in the 5th. LIVE scoring | https://t.co/GxGlAHWia2 #INDvNZ pic.twitter.com/VFrXusm71q
— BLACKCAPS (@BLACKCAPS) November 19, 2021
ଗତକାଲ ରାଞ୍ଚିରେ ଖେଳାଯାଇଥିବା ଦ୍ବିତୀୟ ମ୍ୟାଚରେ ଆରମ୍ଭରୁ ଗପ୍ଟିଲଙ୍କ କ୍ୟାଚ ଛାଡି ଦେଇଥିଲେ କେଏଲ ରାହୁଲ । ଯାହା ଫଳରେ ମାର୍ଟିନ ଗପ୍ଟିଲ ଏହି ରେକର୍ଡ କରିଛନ୍ତି । ବିରାଟ କୋହଲି ଟି-୨୦ ଅନ୍ତର୍ଜାତୀୟରେ ୮୭ ଇନିଂସରେ ୩ ହଜାର ୨୨୭ ରନ ସଂଗ୍ରହ କରିଛନ୍ତି । ଯଦି ଗପ୍ଟିଲଙ୍କ କଥା କହିବା ତାହାଲେ ଗପ୍ଟିଲ ୩ ହଜାର ୨୨୮ ରନ କରିବା ପାଇଁ ୧୦୭ ଇନିଂସ ଲାଗିଥିଲା । ଯଦି ହାରାହାରି କଥା କହିବା ତାହାଲେ ବିରାଟ କୋହଲି ମାର୍ଟିନ ଗପ୍ଟିଲଙ୍କଠାରୁ ବହୁତ ଆଗରେ ରହିଛନ୍ତି । ବିରାଟଙ୍କ ଆଭେରେଜ ୫୨.୦୪ ରହିଥିବାବେଳେ ମାର୍ଟିନ ଗପ୍ଟିଲଙ୍କ ଆଭରେଜ ରହିଛି ୩୨.୪୯ ।
ଜୟପୁରରେ ଖେଳାଯାଇଥିବା ପ୍ରଥମ ଟି-୨୦ରେ ମାର୍ଟିନ ଗପ୍ଟିଲ ମଧ୍ୟ ୭୦ ରନର ଦମଦାର ଇନିଂସ ଖେଳିଥିଲେ । ତେବେ ଦକ୍ଷିଣ ଆଫ୍ରିକାରେ ହେବାକୁ ଥିବା ଟି-୨୦ ସିରିଜରେ ବିରାଟ କୋହଲିଙ୍କ ପାଖରେ ସୁଯୋଗ ରହିବ ମାର୍ଟିନ ଗପ୍ଟିଲଙ୍କ ଅତିକ୍ରମ କରି ପୁଣି ଥରେ ନମ୍ବର-୧ ହେବାର । ସେହିପରି ଏହି ଲିଷ୍ଟର ତୃତୀୟ ସ୍ଥାନରେ ରହିଛନ୍ତି ଭାରତର ଟି-୨୦ ଦଳର ଅଧିନାୟକ ରୋହିତ ଶର୍ମା । ରୋହିତ ୧୦୯ ଇନିଂସରେ ୩ ହଜାର ୮୬ ରନ ସଂଗ୍ରହ କରିଛନ୍ତି ।