ନେତାଙ୍କ ପାଖ ଲୋକଙ୍କୁ ସାବଧାନ ! ସବୁ ଲୁଟିନେବେ

ଭୁବନେଶ୍ବର: ନେତାଙ୍କ ପାଖ ଲୋକ କହି ଲକ୍ଷାଧିକ ଟଙ୍କାର ଠକେଇ । ଚାକିରି ଓ ବଦଳି ନାଁରେ ଲୋକଙ୍କୁ ଚୂନ ଲଗାଇବା ଅଭିଯୋଗରେ ରାହୁଲଙ୍କୁ ବାନ୍ଧିଲା ପୋଲିସ । କାହାକୁ ପେଟ୍ରୋଲ ପମ୍ପ ତ ଆଉ କାହାକୁ ପ୍ଲାଣ୍ଟରେ ଚାକିରି କରାଇ ଦେବାର ଲୋଭ ଦେଖାଇ ଚୂନ ମାରିଥିଲା । ଟଙ୍କା ଧରି ଫେରାର ହେଉଥିବା ବେଳେ ଠକକୁ ଧରି ପୋଲିସ ଜିମା ଦେଲେ ଲୋକେ । ଅଭିଯୁକ୍ତକୁ ଅଟକ ରଖି ପୋଲିସ ତଦନ୍ତ ଜାରି ରଖିଛି ।

ଅଭିଯୁକ୍ତର ଘର ଅନୁଗୁଳ ବୋଲି ଜାଣିବାକୁ ପାଇଛି କ୍ଯାପିଟାଲ ଥାନା ପୋଲିସ୍ । ଅଧିକ ପଚରାଉଚରା ପରେ ଅଭିଯୁକ୍ତ ତା’ର ଦୋଷ ସ୍ବୀକାର କରିଛି । ନେତାଙ୍କ ପାଖ ଲୋକ କହି ସେ ନେତାଙ୍କ ସହ ଥିବା ଫଟୋ ସାଧାରଣ ଲୋକଙ୍କୁ ଦେଖାଉଥିଲା । କୌଣସି ମିଟିଂ ବା ସଭାସ୍ଥଳରେ ନେତାଙ୍କ ସହ ଫଟୋ ଉଠାଇ ତାକୁ ସୋସିଆଲ ମିଡିଆରେ ପକାଉଥିଲା । ସବୁବେଳେ ଲୋକସେବା ଭବନ ଓ ମୁଖ୍ଯମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠ ନିକଟରେ ବୁଲିବା ସହ ନେତାଙ୍କ ଖାସ କହି ସବୁ କାମ କରାଇ ଦେବାର ପ୍ରଲୋଭନ ଦେଖାଉଥିଲା । ଆଉ ଏହି ପ୍ରଲୋଭନରେ ଫସିଯିବା ପରେ ସାଧାରଣ ଲୋକଙ୍କୁ ଚୂନ ଲଗାଇବାକୁ ପଛାଉ ନଥିଲା ।