ମାଲକାନଗିରିରେ ଅଭାବନୀୟ ଘଟଣା, ଗୋଡ଼ାଇ ଗୋଡ଼ାଇ ଆକ୍ରମଣ କଲେ ଯୁବକ

1 min read

ପାରିବାରିକ କଳହର ସମାଧାନ ପାଇଁ ସଭା ବସିଥିଲା । ହେଲେ, ହଠାତ୍ ମୁଣ୍ଡରେ ସବାର ହେଲା ରାକ୍ଷସ । ସଭାରୁ ଉଠି ମାରଣାସ୍ତ୍ରରେ ଜଣଙ୍କ ପରେ ଜଣଙ୍କୁ ଆକ୍ରମଣ କଲା ରକ୍ତମୁଖା ଯୁବକ । ଏଭଳି ଅମାନୁଷିକ ଘଟଣା ଘଟିଛି ମାଲକାନଗିରି ଜିଲ୍ଲା କାଲିମେଳା ଥାନା ଏମଭି ୩୩ ଗ୍ରାମରେ ।

ମଙ୍ଗଳବାର ଏମଭି ୩୩ ଗାଁରେ ବିଧାନ ମିର୍ଦ୍ଧାଙ୍କ ପାରିବାରିକ ଝଗଡ଼ା ସମାଧାନ ପାଇଁ ସଭା ଚାଲିଥିଲା । ଉପସ୍ଥିତ ଲୋକ ସମାଧାନ ନେଇ ଆଲୋଚନା କରୁଥିଲେ । କେହି କିଛି ବୁଝିବା ପୂର୍ବରୁ ବିଧାନ କ୍ରୋଧିତ ହୋଇ ଧାରୁଆ ଛୁରୀରେ ଆକ୍ରମଣ କରିଥିଲା । ଏଥିରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ୬ ଜଣ ଗୁରୁତର ଆହତ ହୋଇଛନ୍ତି ।

ସମସ୍ତଙ୍କୁ ପ୍ରଥମେ କାଲିମେଳା ପରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଗୁରୁତରଙ୍କ ମଧ୍ୟରୁ ୩ ଜଣଙ୍କ ଅବସ୍ଥା ସଙ୍କଟାପନ୍ନ ହେବାରୁ କୋରାପୁଟ ସ୍ଥାନାନ୍ତରିତ କରାଯାଇଛି । ଆକ୍ରମଣରେ ଗାଁର ମାଧବୀ ରାୟ ଓ ବିଶ୍ୱନାଥ ରାୟଙ୍କ ମୃତ୍ୟୁ ଘଟିଛି ।

ସଭାରେ ରକ୍ତର ହୋଲି ଖେଳିବା ପରେ ଗାଁ ଲୋକ ବିଧାନକୁ ଧରି ଗୋଡ଼ହାତ ବାନ୍ଧି ଅଟକ ରଖିଥିଲେ । ଖବର ପାଇଁ କାଲିମେଳା ପୋଲିସ ବିଧାନ ମିର୍ଦ୍ଧାକୁ ଗିରଫ କରିବା ସହ ଆକ୍ରମଣରେ ବ୍ୟବହୃତ ଛୁରୀକୁ ଜବତ କରିଛି । ତେବେ, ସଭା ଚାଲିଥିବା ବେଳେ ବିଧାନ କାହିଁକି ହିଂସ୍ର ହୋଇ ଉଠିଲା ସେ ନେଇ ସ୍ପଷ୍ଟ କାରଣ ଜଣାପଡ଼ିନାହିଁ । ')}

Leave a Reply