ମାଲକାନଗିରି: ପୋଲିସକୁ ମିଳିଛି ବଡ ସଫଳତା। ଜବତ ହେଲା ମାଓବାଦୀଙ୍କ ଦ୍ବାରା ଖୋଳାଯାଉଥିବା ୭୦ଟି ସ୍ପାଇକ ଜାଲରୁ ୪ହଜାର ୩ଶହ ୯୬ଟି ତୀକ୍ଷ୍ମ ଲୁହା ରଡ। ଛତିଶଗଡ ପୋଲିସ୍ ଏବଂ CRPF ପୋଲିସ୍ ମିଳିତ ଭାବେ ଏକ ଏରିଆ ଡୋମିନେସନ୍ ଅପରେସନ ଜାରିଥିବା ସମୟରେ ଏହା ଜବତ କରାଯାଇଛି ।
ମାଲକାନାଗିରି ଜିଲ୍ଲା ତେଲେଙ୍ଗାନା- ଛତିଶଗଡ ସମାବର୍ତ୍ତୀ ଏଜେନ୍ସି ଅଞ୍ଚଳରେ ସୁରକ୍ଷାବାହିନୀକୁ ହତ୍ୟା କରିବା ଉଦ୍ଦେଶ୍ୟରେ ଆଦିବାସୀମାନେ ବୁଲୁଥିବା ସ୍ଥାନରେ ଏହି ସ୍ପାଇକ ଲଗାଯାଇଥିଲା । ସେଠାରେ ରହୁଥିବା ଆଦିବାସୀ ଲୋକଙ୍କୁ ସତର୍କ ରହିବାକୁ ପୋଲିସ୍ ତରଫରୁ ପରାମର୍ଶ ଦିଆଯାଇଛି । ଏ ନେଇ ସାମ୍ବାଦିକ ସମ୍ମିଳନୀ କରି ବିସ୍ତୃତ ସୂଚନା ଦେଇଛନ୍ତି ଅତିରିକ୍ତ ଏସପି ଅପରେସନ୍ ଟି ସାଇ ମନୋହର ଏବଂ ଭଦ୍ରାଚଲମ୍ ASP ପାରିତୋଶ ପଙ୍କଜ ।
