ମହେନ୍ଦ୍ର କୁମାର ବଢ଼େଇ ବିଜେଡି ମୁଖପାତ୍ର ନିଯୁକ୍ତ
1 min read
ଭୁବନେଶ୍ୱର: ମହେନ୍ଦ୍ର କୁମାର ବଢ଼େଇ ବିଜେଡି ମୁଖପାତ୍ର ନିଯୁକ୍ତ । ମହେନ୍ଦ୍ରଙ୍କୁ ଦଳ ପକ୍ଷରୁ ନୂତନ ଦାୟିତ୍ୱ ଦିଆଯାଇଥିବା ନେଇ ସୂଚନା ଦେଇଛନ୍ତି ବିଜେଡି ସାଧାରଣ ସମ୍ପାଦକ ମାନସ ରଂଜନ ମଙ୍ଗରାଜ । କିଛିଦିନ ତଳେ ମହେନ୍ଦ୍ର ବଢେଇ OAS ପଦବୀରୁ ଭିଆରଏସ୍ ନେଇ ବିଜେଡିରେ ଯୋଗ ଦେଇଥିଲେ । ଦଳ ପାଇଁ କାର୍ଯ୍ୟ କରିବେ ବୋଲି ସେ ଚାକିରୀ ଛାଢିଥିଲେ ।
ବର୍ତ୍ତମାନ ପଦମପୁର ନିର୍ବାଚନୀ ପ୍ରଚାରରେ ନିୟୋଜିତ ଅଛନ୍ତି ମହେନ୍ଦ୍ର କୁମାର ବଢେଇ । ବିଜେଡି ପ୍ରାର୍ଥୀ ବର୍ଷା ସିଂ ବରିହାଙ୍କ ପାଇଁ ଗାଁ ଗାଁ ବୁଲି ଭୋଟ ମାଗୁଛନ୍ତି ମହେନ୍ଦ୍ର । ତେବେ ଦଳ ତାଙ୍କ ଗୁରୁତ୍ୱକୁ ପରିଲିଖିତ କରି ଦଳର ମୁଖପାତ୍ର ଭାବେ ନିଯୁକ୍ତ କରିଛନ୍ତି । ଆଗକୁ ଏହି ଦାୟିତ୍ୱକୁ ସଠିକ ଭାବେ ପରିଚାଳନା କରିବେ ବୋଲି ଆଶା ପ୍ରକଟ କରିଛି ଦଳ ।
