ମହାରାଷ୍ଟ୍ରରେ ବର୍ଷା, ଭୂ-ସ୍ଖଳନ: ୧୫ ଉଦ୍ଧାର, ୩୦ ଫସିଛନ୍ତି

ମୁମ୍ୱାଇ: ମହାରାଷ୍ଟ୍ରରେ ଗତକାଲି ରାତିରୁ ଲାଗିଛି ବର୍ଷା ତାଣ୍ଡବ । ଏହାର ପ୍ରଭାବରେ ରାଇଗଡ଼ ଜିଲ୍ଲାରେ ପ୍ରବଳ ବନ୍ୟା ଓ ଅତଡ଼ା ଖସିଛି ।  ଅତଡ଼ା ଖସିବା ହେତୁ ତଲାଇ ଗାଁର ୩୦ ଜଣ ଲୋକ ମାଟିତଳେ ଚାପି ହୋଇ ରହିଛନ୍ତି । ଅନ୍ୟ ୧୫ ଜଣଙ୍କୁ ଉଦ୍ଧାର କରାଯାଇଥିବା ରାୟଗଡ଼ ଜିଲ୍ଲାପାଳ ନିଧି ଚୌଧୁରୀ ସୂଚନା ଦେଇଛନ୍ତି । ଗଲା ୨୪ ଘଣ୍ଟା ଭିତରେ ୪ଟି ସ୍ଥାନରେ ଭୂସ୍ଖଳନ ହୋଇଛି। ଏହି ହେତୁ ବିଭିନ୍ନ ରାସ୍ତା ଛିଣ୍ଡି ପଡ଼ିଛି। ଏଣୁ ଏନ୍‌ଡିଆରଏଫ୍ ଟିମ୍ ପହଞ୍ଚିବାରେ ବିଳମ୍ବ ହେବା ସହ ଉଦ୍ଧାର କାର୍ଯ୍ୟ ପ୍ରଭାବିତ ହେଉଥିବା ସେ କହିଛନ୍ତି । କେନ୍ଦ୍ର ସରକାରଙ୍କ ଉଦ୍ୟମରେ ସେନା ସହାୟତାରେ ତୁରନ୍ତ ଉଦ୍ଧାର କାର୍ଯ୍ୟ ଆରମ୍ଭ କରିବାକୁ ମନ୍ତ୍ରୀ ଆଦିତ୍ୟ ଠାକ୍‌ରେ ଦାବି କରିଛନ୍ତି। ରାଇଗଡ଼ ଜିଲ୍ଲା ସହ ରତ୍ନଗିରି ଜିଲ୍ଲାରେ ମଧ୍ୟ ଭୟଙ୍କର ବନ୍ୟା ସୃଷ୍ଟି ହୋଇଥିବାରୁ ଜନଜୀବନ ପ୍ରଭାବିତ ହେବା ଆଶଙ୍କା ସଅଷ୍ଟି ହୋଇଛି । ମୁଖ୍ୟମନ୍ତ୍ରୀ ଉଦ୍ଧବ ଥାକରେ ପରିସ୍ଥିତିର ସମୀକ୍ଷା କରି ତୁରନ୍ତ ଆବଶ୍ୟକ ପଦକ୍ଷେପ ଗ୍ରହଣ ପାଇଁ ନିଦେଶ ଦେଇଛନ୍ତି। ଏହିକ୍ରମରେ ପୁନେଠାରୁ ଦୁଇଟି ସ୍ୱତନ୍ତ୍ର ଟିମ୍ ରାଇଗଡ଼ର ମାହଡ଼ ଏବଂ ରତ୍ନଗିରିର ଖେଡ଼ ଅଞ୍ଚଳକୁ ପଠାଯାଇଛି ।

Based on a request received from Maharashtra Govt, the Western Naval Command, Mumbai mobilised flood rescue teams & helicopters to provide assistance to State Admn. Seven naval rescue teams departed by road for deployment to Ratnagiri & Raigad districts on 22 July from Mumbai. pic.twitter.com/ZLBZcH81G8

— ANI (@ANI) July 23, 2021