ମହାରାଷ୍ଟ୍ର ମନ୍ତ୍ରିମଣ୍ଡଳର ସମ୍ପ୍ରସାରଣ; ମନ୍ତ୍ରୀ ଭାବେ ଶପଥ ନେଲେ ୧୮ବିଧାୟକ

ମୁମ୍ୱାଇ: ମହାରାଷ୍ଟ୍ର ମନ୍ତ୍ରିମଣ୍ଡଳ ସମ୍ପ୍ରସାରଣ । ରାଜଭବନରେ ଶପଥ ନେଲେ ସିନ୍ଦେଙ୍କ ନୂଆ ଟିମ୍ । ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଓ ଉପ-ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାବିସଙ୍କ ଉପସ୍ଥିତରେ ୧୮ ନୂଆ ବିଧାୟକ ମନ୍ତ୍ରୀ ପଦର ଶପଥ ନେଇଛନ୍ତି । ଏକନାଥ ସିନ୍ଦେଙ୍କ ଗୋଷ୍ଠୀର ୯ ବିଧାୟକ ଶପଥ ନେଇଥିବା ବେଳେ ବିଜେପିର ୯ ବିଧାୟକ ମନ୍ତ୍ରିମଣ୍ଡଳରେ ସାମିଲ ହୋଇଛନ୍ତି । ବିଜେପି ପକ୍ଷରୁ ଚନ୍ଦ୍ରକାନ୍ତ ପାଟିଲ, ସୁଧୀର ମୁଙ୍ଗନ୍ତିଓ୍ବାର, ଗିରୀଶ ମହାଜନ, ସୁରେଶ ଖାଡେ, ରାଧାକ୍ରୀଷ୍ଣ ପାଟିଲଙ୍କ ସମେତ ୯ ବିଧାକୟ ଶପଥ ନେଇଛନ୍ତି । ସେହିପରି ସିନ୍ଦେ ଗୋଷ୍ଠୀରୁ ଦାଦା ଭୁସେ, ସନ୍ଦୀପନ ଭୂମରେ, ଉଦୟ ସାମନ୍ତ, ତାନାଜୀ ସାଓ୍ବନ୍ତ ଙ୍କ ସମେତ ୯ ବିଧାୟକଙ୍କୁ ମନ୍ତ୍ରିମଣ୍ଡଳରେ ସାମିଲ କରାଯାଇଛି ।

ଏଥିସହିତ ପଢ଼ନ୍ତୁ: ରାଜ୍ୟ କଂଗ୍ରେସକୁ ବଡ଼ ଝଟକା; ଦଳ ଛାଡ଼ିଲେ ୩୦ରୁ ଅଧିକ ନେତା