ଲେଫ୍ଟନାଣ୍ଟ ଜେନେରାଲ୍ ସାଧନା ନାୟାର ସ୍ଥଳସେନା ମେଡିକାଲ୍ ସର୍ଭିସେସ ଡିଜି

ନନ୍ଦିଘୋଷ ବ୍ୟୁରୋ: ଲେଫ୍ଟନାଣ୍ଟ ଜେନେରାଲ୍ ସାଧନା ସକ୍ସସେନା ନାୟାର ହୋଇଛନ୍ତି ଭାରତୀୟ ସ୍ଥଳସେନା ମେଡିକାଲ୍ ସର୍ଭିସେସର ଡିଜି । କୌଣସି ଭାରତୀୟ ମହିଳା ଆର୍ମି ମେଡିକାଲ୍ ସର୍ଭିସେସର ଡିଜି ହେବା ପ୍ରଥମ ଘଟଣା। ସେହିକ୍ରମରେ ସାଧନା ପ୍ରଥମ ମହିଳାଭାବେ ଏହି ପଦରେ ଅଭିସିକ୍ତ ହୋଇଛନ୍ତି।

ଆଜି ଲେଫ୍ଟନାଣ୍ଟ ଜେନେରାଲ୍ ସାଧନା ସକ୍ସସେନା ନାୟାର ତାଙ୍କର ଦାୟିତ୍ବ ଗ୍ରହଣ କରିବେ। ଏୟାର ମାର୍ସଲ ରାଙ୍କକୁ ପଦୋନ୍ନତି ପାଇବାରେ ସେ ରେକର୍ଡ କରିଛନ୍ତି । ୧୯୮୫ ମସିହା ଡିସେମ୍ବର ୨୬ ତାରିଖରେ ଭାରତୀୟ ବାୟୁସେନାର ମେଡିକାଲ୍ ବ୍ରାଞ୍ଚରେ ତାଙ୍କର କମିସନିଂ ହୋଇଥିଲା । ୨୦୦୦ ମସିହାରେ ୱିଙ୍ଗ କମାଣ୍ଡର ରାଙ୍କକୁ ତାଙ୍କର ପଦୋନ୍ନତି ହୋଇଥିବା ବେଳେ ୨୦୦୯ରେ ଗ୍ରୁପ୍ କ୍ଯାପଟେନ୍, ୨୦୨୦ରେ AVM ଏବଂ ୨୦୨୩ରେ ଆକ୍ଟିଂ ଏୟାର ମାର୍ସଲ ଭାବେ ନିଯୁକ୍ତି ପାଇଥିଲେ । ଭାରତୀୟ ସେନାର ଜଣେ ଦକ୍ଷ ଅଧିକାରୀଭାବେ ସେ ଜଣାଶୁଣା । ଏବେ ଦିଲ୍ଲୀ ମୁଖ୍ଯାଳୟରେ ତାଙ୍କର ନିଯୁକ୍ତି ହୋଇଛି ।