ସମ୍ପର୍କ ରଖିବାକୁ ମନା କରିବାରୁ ପ୍ରେମିକା ଘର ଆଗରେ ପ୍ରେମିକର ପେଟ୍ରୋଲ ଢାଳି ଆତ୍ମହତ୍ୟା !

ରାଉରକେଲା : ପ୍ରେମ ପାଇଁ ଚରମ ପଦକ୍ଷେପ ! ଶରୀରରେ ନିଆଁ ଲଗାଇଦେଲା ପ୍ରେମିକ ! ପ୍ରେମିକା ଘର ଆଗରେ ଆତ୍ମହତ୍ୟା ! ଗୁରୁତର ଅଭିଯୋଗ ଆଣିଲେ ପରିବାର । ୪ ଵର୍ଷ ଧରି ଥିଲା ସମ୍ପର୍କ । ହେଲେ ସାମାନ୍ଯ କଥାକୁ ନେଇ ମନ ଭାଙ୍ଗିଦେଲା ପ୍ରେମିକା । ଯାହାକୁ ବରଦାସ୍ତ କରିପାରିଲାନି ପ୍ରେମିକ । ଶେଷରେ ପ୍ରେମିକା ଘର ଆଗରେ ଶରୀରରେ ପେଟ୍ରେଲ ଢାଳି ନିଆଁ ଲଗାଇଦେଲା । ଏମିତି ଏକ ଗୁରୁତର ଅଭିଯୋଗ ଆସିଛି ରାଉରକେଲା ବନ୍ଧମୁଣ୍ଡା ଅଞ୍ଚଳରୁ । ମୃତ ଯୁଵକ ହେଲେ ସାରଦାପାଲିର ୨୪ ଵର୍ଷର ରାମଦାସ ଵେଶ୍ରା । ୩ ତାରିଖ ରାତି ୧୧ ଟା ସମୟରେ ପ୍ରେମିକାଙ୍କୁ ଵୁଝାଇବା ପାଇଁ ପ୍ରେମିକାଙ୍କ ଘରକୁ ଯାଇଥିଲେ । ପ୍ରେମିକାଙ୍କ ପରିବାର ଲୋକ ଗାଳିଗୁଲଜ କରି ଅପମାନ କରିଥିବା ଅଭିଯୋଗ ହୋଇଛି । ଏଥିପାଇଁ ପ୍ରେମିକା ଉସୁକାଇ ଥିବା ଅଭିଯୋଗ କରିଛନ୍ତି ରାମଦାସଙ୍କ ପରିବାର ।

ଗୁରୁତର ଅବସ୍ଥାରେ ପ୍ରଥମେ ରାଉରକେଲା ସରକାରୀ ଡାକ୍ତରଖାନା ଓ ପରେ କଟକ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା । ହେଲେ ଚିକତ୍ସାଧିନ ଅବସ୍ଥାରେ ଗତ ୧୦ ତାରିଖରେ ତାଙ୍କର ମୃତ୍ୟୁ ହୋଇଛି । ମୃତଦେହ ପରିବାର ଲୋକେ ଆଣିବା ପରେ ବନ୍ଧମୁଣ୍ଡା ଥାନାରେ ଅଭିଯୋଗ କରିଛନ୍ତି । ତେବେ ପେଟ୍ରୋଲ ତଳେ ଢାଳି ହୋଇ ସିଗାରେଟ୍ ନିଆଁ ଲାଗି ଜଳି ଯାଇଥିବା ମୃତ୍ୟୁ ପୁର୍ଵରୁ ଯୁଵକ ଦେଇଥିବା ବୟାନ କିନ୍ତୁ ଏବେ ଭାଇରାଲ ହୋଇଛି । ଅନ୍ୟପକ୍ଷରେ ଗତ କିଛିଦିନ ହେଲା ପ୍ରେମ ସମ୍ପର୍କକୁ ନେଇ ଉଭୟଙ୍କ ମଧ୍ଯରେ ଝଗଡ଼ା ଲାଗିଥିଲା ବୋଲି କହିଛନ୍ତି ରାମଦାସଙ୍କ ବନ୍ଧୁ । ମୃତ ଯୁବକଙ୍କ ପରିବାର ଲୋକେ ବନ୍ଧମୁଣ୍ଡା ଥାନାରେ ଅଭିଯୋଗ କରିବା ପରେ ପୋଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।