ଚୋରଙ୍କ ଅମାନବୀୟ କାଣ୍ଡ, ସୁନା ଟଙ୍କା ଲୁଟି କୁକୁରକୁ ମାରିଦେଲେ

କେନ୍ଦ୍ରାପଡା:  ଚୋରଙ୍କ ଅମାନବୀୟ କାଣ୍ଡ । ଡେରାବିଶ ଥାନା ଅଞ୍ଚଳରେ ଚୋରି ଉଦ୍ୟମ ବେଳେ କୁକୁର ଭୁକିବାରୁ କୁକୁରକୁ ବିଷ ଦେଇ ଜୀବନରୁ ମାରିଦେଲେ ଦୁର୍ବୃତ୍ତ । ଡେରାବିଶ ବ୍ଲକର ଛଞ୍ଚିଣା ଓ ନୀଳକଣ୍ଠପୁରର ଏକାଧିକ ଲୋକଙ୍କ ଘରେ ପଶି ଲକ୍ଷାଧିକ ଟଙ୍କାର ସୁନା ଗହଣା, ଆସବାବପତ୍ର ଲୁଟ୍‌ କରିଛନ୍ତି ଲୁଟେରା ।

ନୀଳକଣ୍ଠପୁରର ରଶ୍ମିକାନ୍ତ ପାଢ଼ୀଙ୍କ ଘରେ କେହି ନଥିବା ବେଳେ ଦୁଆରେ ଶୋଉଥିବା କୁକୁର ଭୁକିବାରୁ ତାକୁ ମାରି ଦେଇଥିଲେ ଚୋର । ପରେ ଘର ତାଲା ଭାଙ୍ଗି ସୁନା ଅଳଙ୍କାର ଲୁଟ୍‌ କରିଥିଲେ । ଅନ୍ୟପଟେ ସେହି ଗାଁର ବିଭିନ୍ନ ଲୋକଙ୍କ ଘରୁ ଚୋରି ହୋଇଥିବା ଅଭିଯୋଗ ହୋଇଛି । ଏନେଇ ଡେରାବିଶ ଥାନାରେ ଏକାଧିକ ଅଭିଯୋଗ ପରେ ପୋଲିସ ସନ୍ଧlନୀ କୁକୁରକୁ ଆଣି ତଦନ୍ତ ଆରମ୍ଭ କରିଛି ।