ଲୋକପାଳ ସଦସ୍ୟଙ୍କ ହୃଦଘାତରେ ପରଲୋକ: ପୂର୍ବରୁ କରୋନା ପଜିଟିଭ୍ ଚିହ୍ନଟ ହୋଇଥିଲେ

ନୂଆଦିଲ୍ଲୀ: ଲୋକପାଳ ସଦସ୍ୟ ଜଷ୍ଟିସ  ଅଜୟ କୁମାର ତ୍ରିପାଠୀଙ୍କ ଦେହାନ୍ତ । ଦିଲ୍ଲୀସ୍ଥିତ ଏମ୍ସ ହସ୍ପିଟାଲରେ ହୃଦଘାତରେ ଅଜୟଙ୍କ ପରଲୋକ । ସେ କରୋନା ପଜିଟିଭ୍‌ ଚିହ୍ନଟ ହେବା ପରେ ନୂଆଦିଲ୍ଲୀ ସ୍ଥିତି ଏମ୍ସ ମେଡିକାଲରେ ଚିକିତ୍ସାଧୀନ ଥିଲେ । ୬୨ ବର୍ଷୀୟ ଜଷ୍ଟିସ ତ୍ରିପାଠୀ ଏପ୍ରିଲ ପ୍ରଥମ ସପ୍ତାହରେ କରୋନା ପଜିଟିଭ୍‌ ଚିହ୍ନଟ ହୋଇଥିଲେ । ଏହାପରେ ତାଙ୍କୁ ଦିଲ୍ଲୀ ଏମ୍ସର ଆଇସିୟୁରେ ଭର୍ତ୍ତି କରାଯାଇଥିଲା । ପରେ ତାଙ୍କୁ ଟ୍ରମା କେୟାର ସେଣ୍ଟକୁ ସ୍ଥାନାନ୍ତର କରାଯାଇଥିଲା । ଏଠାରେ ମୁଖ୍ୟତଃ ରୋଡ ଦୁର୍ଘଟଣାରେ ଆହତଙ୍କୁ ଚିକିତ୍ସିତ କରାଯାଉଥିବା ବେଳେ ଏହାକୁ କୋଭିଡ-୧୯ ହସ୍ପିଟାଲରେ ପରିବର୍ତ୍ତନ କରାଯାଇଥିଲା । ସେ ଗତ ୩ ଦିନ ଧରି ଭେଣ୍ଟିଲେଟରେ ରହିଥିବା ସୂଚନା ମିଳିଛି ।

https://www.facebook.com/NandighoshaTV/videos/238429847478468/

ତାଙ୍କ ବିୟୋଗରେ ଦୁଃଖ ପ୍ରକାଶ କରିଛନ୍ତି ବିହାର ବିଜେପି ନେତା ସୁଶୀଲ ମୋଦି । ତାଙ୍କ ଦେହାନ୍ତ ଖବର ତାଙ୍କୁ ଆଶ୍ଚର୍ଯ୍ୟ ଚକିତ କରିଥିବା ସେ କହିଛନ୍ତି । ସେ ଜଣେ ଉତ୍ସାହୀ, ସରଳ ଓ ମେଳାପି ବ୍ୟକ୍ତି ଥିଲେ । ଚାରା ଦୁର୍ନୀତି ମାମଲାରେ ସେ ତାଙ୍କ ପକ୍ଷରୁ ମାମଲା ଲଢ଼ୁଥିଲେ । ବିହାର ତାଙ୍କୁ ସବୁବେଳେ ମନେ ରଖିବ ବୋଲି ଟ୍ୱିଟ୍ କରିଛନ୍ତି ସୁଶୀଲ ମୋଦି ।