ରାଜଧାନୀରେ ଲାଇଭ କିଡନାପ, ଯୁବକଙ୍କୁ ବିଚ୍ ରାସ୍ତାରୁ ଟେକିନେଲେ…
ଭୁବନେଶ୍ୱର: ଦବଙ୍ଗଗିରି, ଦାଦାଗିରି ବା ଗୁଣ୍ଡାରାଜ । ଏମିତି କିଛି ଭାଷାରେ ସମ୍ବୋଧନ କଲେ ବି କମ ହୋଇଯିବ ବୋଧ ହୁଏ । କାରଣ ସୁରକ୍ଷା ବଳୟରେ ଥିବା ରାଜଧାନୀରେ ଅସୁରକ୍ଷିତ ହୋଇପଡିଛି । କାରଣ ଖୋଦ ଭୁବନେଶ୍ୱରରେ ଘଟିଛି ଏମିତି କିଛି ଘଟଣା । ଯାହାକୁ ଲାଇଭ୍ କିଡନାପ୍ ବୋଲି ମଧ୍ୟ କୁହାଯାଇ ପାରିବ। ଭୁବନେଶ୍ବରରେ ଯୁବକଙ୍କୁ କରାଯାଇଛି ଅପହରଣ ।
ରାଜଧାନୀରେ ବିହାର ଷ୍ଟାଇଲରେ କିଡନାପିଂ । ବିଚରାସ୍ତାରେ ଦାଦାଗିର । ଭୁବନେଶ୍ୱର ଡେଲ୍ଟା ଛକରେ ଯୁବକକୁ କରାଯାଉଛି ଅପହରଣ । ଜଣେ ଯୁବକଙ୍କୁ ୩ ଜଣ ଯୁବକ ଜୋର ଜବରଦସ୍ତ କାରରେ ବସାଇ ଫେରାର ହୋଇଯାଉଛନ୍ତି ।
ନିଜକୁ ବଞ୍ଚାଇବା ପାଇଁ ଯୁବକ ଜଣକ ଖୁବ ଚିତ୍କାର କରୁଛନ୍ତି । ଘଟଣା ପଛରେ ରହିଛି ଟଙ୍କା କାରବାରର କାହାଣୀ । ବକେୟା ଟଙ୍କାକୁ ନେଇ ଖୁଲ୍ଲମଖୁଲା ଦାଦାଗିରି ରାଜଧାନୀରେ ଅପରାହ୍ନରେ ଘଟିଛି ଏଭଳି ଅରାଜକତା । କିଏ ଏହି ଦୁର୍ବୃତ୍ତ ? କାହାକୁ କରାଯାଉଛି ଅପହରଣ ? କ୍ୟାପିଟାଲରେ କିଡନାପିଂ କ୍ରାଇମର ଖୋଲିବ କି ଗୁମର ? ଏନେଇ ନାନା ପ୍ରଶ୍ନ ସୃଷ୍ଟି ହୋଇଛି । ସେପଟେ କିଡନାପ ଭିଡିଓ ଏବେ ସୋସିଆଲ ମିଡ଼ିଆରେ ବେସ ଭାଇରାଲ ହେବାରେ ଲାଗିଛି ।
