ଲିଭଇନରେ ରହୁଥିଲେ, ମୃତଦେହ ଛାଡ଼ି ପଳାଇଲା ବୟଫ୍ରେଣ୍ଡ

ଭୁବନେଶ୍ୱର: ଭୁବନେଶ୍ୱର ଏକ ଆପାର୍ଟମେଣ୍ଟରୁ ଯୁବତୀଙ୍କ ମୃତଦେହ ଉଦ୍ଧାର । ଲିଭ-ଇନରେ ରହୁଥିଲେ ଯୁବକ ଯୁବତୀ । ଯୁବତୀଙ୍କ ମୃତ୍ୟୁ ପରେ ଛାଡ଼ି ପଳାଇଲା ବୟଫ୍ରେଣ୍ଡ। ଭୁବନେଶ୍ଵର ଖଣ୍ଡଗିରି ଅଂଚଳରେ ଘଟିଛି ଏ ଅଭାବନୀୟ ଘଟଣା। ଘର ଭିତରେ ଯୁବତୀଙ୍କ ସନ୍ଦେହ ଜନକ ଅବସ୍ଥାରେ ମୃତଦେହ ମିଳିଛି। ମୃତଦେହ ଦେଖି ପୁରୁଷ ବନ୍ଧୁ ଫେରାର ହୋଇଯାଇଥିବା ସନ୍ଦେହ କରାଯାଉଛି। ଅନ୍ୟପଟେ ଯୁବତୀଙ୍କ ପରିବାର ଲୋକେ ଝିଅକୁ ହତ୍ଯା କରିଥିବା ଅଭିଯୋଗ କରିଛନ୍ତି। ହତ୍ୟା ମାମଲା ରୁଜୁ କରିଛି ଖଣ୍ଡଗିରି ପୋଲିସ। ବିଏନଏସର ଦଫା ୧୦୩ରେ ମାମଲା ରୁଜୁ କରି ଖୋଳତାଡ଼ ଆରମ୍ଭ କରିଛି ପୁଲିସI। ଘଟଣା ସ୍ଥଳରେ ସାଇଣ୍ଟିଫିକ ଟିମ ପହଞ୍ଚି ତନାଘନା ଆରମ୍ଭ କରିଛି ।

ଯୁବତୀ ଜଣକ ଏମସିଏ ପଢା ସାରି ଭୁବନେଶ୍ୱରରେ ଲିଭ ଇନ ରିଲେସନସିପରେ ରହୁଥିଲେ। ଉଭୟ ପୁଅ ଏବଂ ଝିଅଙ୍କ ଘର କୋରାପୁଟ ଜୟପୁରରେ ବୋଲି ଜଣାପଡିଛି। ସେମାନେ ଏକାଠି ଏକ ଆପାର୍ଟମେଣ୍ଟରେ ରହି ଆସୁଥିଲେ।